په داسې حال چې د ايران او اسرائيل ترمينځ تاؤتريخوالې کښې ورځ تر بله سيوا والي راځي او په ايران د امريکې حملو صورتحال بدل کړيدے په اسلام آباد کښې د وزيراعظم شهباز شريف مشرۍ کښې د قامي سلامتي کميټۍ اجلاس کيږي، اجلاس کښي عسکري قيادت او مهم وفاقي وزيران شرکت کوي ،اجلاس دوران به د مشرقي وسطي په موجوده صورتحال،د ايران او اسرائيل ترمينځ جنګ سيوا کيدو وروستو په پاکستان او سيمه د دې اثراتو جائزه اخستلي شي۔
اجلاس دوران د ملک امن و امان او سيمې د استحکام په حواله د مهمو فيصلو امکان دے بلخوا قامي اسمبلۍ اجلاس ته وينا په وخت د پيپلزپارټۍ چيئرمين بلاول بهټو زرداري د ايران په جوهري تنصيباتو د امريکې او اسرائيل د حملو مذمت کړې او وئيلي ئي دي چې اسرائيل د دروغو په بيانيه د ايران خلاف جارحيت شورو کړيدے، بلاول وائي چې ګاونډي ملک ايران په داسې وخت کښې يواځې پريښودل نه دي پکار که مونږ دوي لپاره آواز پورته نه کړو نو سبا اسرائيل په پاکستان او د منطقې په نورو ملکونو هم حملې کولي شي ۔
د پيپلزپارټۍ چيئرمين خبردارې ورکړيدے چې ايران اسرائيل جنګ کښې د امريکې شموليت به خطرناک نتائج ولري،د امريکې اولس هم د دې جنګ خلاف دي که فريقينو ترمينځ روغه جوړه ونه شوه نو جنګ نور هم تيزيدې شي او د دې اثراتو نه به د سيمې يو ملک هم پاتې نشي ، بلاول بهټو زرداري د پاکستان خلاف هندي جارحيت نه نړي وال ملکونه خبرساتلو په حواله د پاکستان سفارتي مشن کامياب ګرځولې دے او د امريکې بشمول د نورو ملکونو دورې او ملاقاتونو په حواله ئې ايوان ته تفصيلات په ډاګه کړيدي، بلاول زياته کړيده چې پاکستان د جنګ په حق کښې نه دې ولې د مودي رويه د سيمې امن خطره کښې اچولې ده په محاذ جنګ کاميابي ترلاسه کولو نه پس په سفارتي کچ هم هند ته شکست ملاؤ شوېدے او د نړۍ زياتره ملکونو د سيمي امن لپاره د پاکستان د موقف تائيد کړيدے ۔