خارجه وزير اسحاق ډار په ايکس پاڼه ورکړي شوي بيان کښې وئيلي دي چې استنبول کښې د او آئي سي د وزيرانو اجلاس په سائيډ لائن ئې افغان هم منصب امير خان متقي سره ليده کاته کړيدي ۔ اسحاق ډار وائي چې ملاقات په مهال ئې افغان خارجه وزير سره اپريل مياشت کښې زما د کابل دورې وروستو دواړو هيوادونو اړيکو د پرمختګ او په خصوصي توګه د پاکستان او افغانستان ترمينځ تجارت، ټرانزټ ټريډ او سياسي تعلقات نور هم مضبوطولو په معاملو خبرې کړيدي ۔
خپل بيان کښې اسحاق ډار زياته کړيده چې بيجنګ کښې تيره مياشت د درې واړو ملکونو سه فريقي مذاکراتو دوران شوي فيصلو او سي پيک منصوبې افغانستان پورې غزولو معاهدې د پرمختګ جائزه هم دې ملاقات کښې اخستې شويده ۔ سرچينو ترمخه دواړو مشرانو د ايران په جوهري تنصيباتو د اسرائيل او د امريکې د حملو وروستو پيدا شوي صورتحال باندي هم تفصيلي خبرې کړيدي،په دې حملو د افسوس اظهار شوېدے او سيمه کښې بدليدونکي صورتحال په تناظر کښې د دواړو ملکونو ترمينځ رابطې او ملاقاتونو سلسله جاري ساتلو باندې هم اتفاق شوېدے ۔
ملاقات دوران د افغان کډوالو واپسي او پاکستان کښې د افغان تاجرانو او ټرانسپورټرانو مسائل او د دې حل په معاملو هم دواړو خارجه وزيرانو ترمينځ د خيالاتو بدلون شوېدے ، اسحاق ډار او امير خان متقي کابل کښې د پاکستان،افغانستان او چين خارجه وزيرانو راتلونکي ميټنګ په حواله هم معلومات د يوبل سره شريک کړل او د سفارتي اړيکو د پرمختګ لپاره ګامونه پورته کولو باندي ئې اتفاق کړېدے ، د دواړو خارجه وزيرانو ترمينځ ملاقات په داسې مهال کيږي چې ګاونډي ملک ايران باندې د اسرائيل نه پس امريکې هم حملې شورو کړيدي چې لوجې ئې د سيمې نورو ملکونو بشمول د ګاونډي هيوادونو په حيث افغانستان او پاکستان هم د تشويش اظهار لري ، سفارتي سرچينو ترمخه د ايران او اسرائيل جهګړه سيوا کيدو او دې جنګ کښې د امريکې باضابطه شموليت لوجې پاکستان او افغانستان متاثره کيدو امکانات زيات دي هم دغه وجه ده چې دواړه هيوادونه د اسرائيل او ايران تاؤ تريخوالې د مذاکراتو د لارې هوارولو او د دې مسئلې سفارتي حل راويستو باندې زور راوړي ۔ د سيمې موجوده صورتحال په رڼا کښې د دواړو ملکونو د خارجه وزيرانو د استنبول دا ملاقات هم دير مهم وو