د د لنډي کوتل تحصیل یو تکړه خبریال، د خیبر نیوز رپورټر او د لنډي کوتل پریس کلب پخوانی صدر خلیل جبران افریدي د شهادت لومړۍ تلېن د لنډي کوتل تحصېل په جرګه هال کې د یوې غونډې په ترڅ کې ونمانځل شو.
خلیل جبران افریدي تېر کال د جون په ۱۷مه د خپل کلي سلطان خېل سره د شپې هغه مهال نامعلومو وسله والو شهید کړ، کله چې نوموړی له یوې حجرې نه خپل کور ته روان وو .
د تلېن په غونډه کې ی ځایی مشرانو، خبریالانو، د سیاسي او خیرښیګړې تنظیمونو مشرانو ویناګانې وکړې.
د غونډې تابیا د شهید خلیل افریدي فاونډېشن مشر حاجي اقبال افریدي، ایمل خان افریدي او د فاونډېشن نورو غړو کړې وه.
ملک دریا خان افریدي، د جماعتۍ اسلامي مشر مراد حسین افریدي د لنډېکوتل پرېس کلب صدر شاه رحمان شېنواري ، صحافي او د قبایلي صحافیانو د یونین پخوانې مشر قاضي فضل الله، تحصېل چیرمېن شاه خالد شېنواري ، داستاذانو یونېن مشر حاجي غفار شېنواري ، د کسټم ایجنټ یونین مشر مجیب شینواری، د تحریک انصاف مشر عبدالرازق شینواری، او نورو مشرانو ویناګانې وکړې.
مشرانو وویل چې خلیل افریدي یوازې یو خبریال نه وو بلکې یو ښوونکی، غوره ټولنیز فعال او د ګډ فکر او شعور خاوند یو ستر انسان وو۔
ویناوالو وویل چې خلیل افریدي د صحافت په مېدان کې یو پیاوړی غږ وو، او د سولې، خوشحالۍ او پرمختګ لپاره به ی کار کولو، هغوېې اووېل دشهېد دا مشن او مبارزه به جاري وي
هغوی غوښتنه وکړه چې د خلیل افریدي د قتل په اړه دې عدالتي پلټنه (جوډېشل انکوایري) وشي او د نوموړي د وژنې رېښتونې پلټنې وشي.
هغوی له صوبایي حکومت او اړوندو ادارو غوښتنه وکړه چې خلیل افریدي ته دې د شهید پکېج اعلان شي او د نوموړي له بچو اوخاندان سره دې پوره مرسته وشي.
دلته دا هم یادونه اړینه ده چې خلیل افریدي د خبریال تر څنګ یو غوره ټولنیز خدمتګار هم وو.
نوموړی د خیبر نیوز رپورټر و او له تېرو ۱۵ کلونو راهیسې یې د صحافت په مېدان کې خپله ذمه واري پوره کوله۔
هغه د جون پر ۱۷مه، د اختر په دویمه ورځ شپې د خپل کلي ترڅنګ نامعلومو وسله والو شهید کړو۔
د قبایلي صحافیانو د معلوماتو ترمخه د کال ۲۰۰۱ نه ترواسه پورې ۱۸ قبایلي خبریالان شهیدان کړې شوي دي .
د بیلا بیلو میډیا تنظمیونو د رپورټونو ترمخه تراوسه پور په پاکستان کې ۷۱ یواویا خبریالان قتل کړې شوي. ددې تنظیمونو د معلوماتو ترمخه په وژل شوو خبریالانو کې ۴۷ اووه څلویښت خبریالانو د خپل آزاد رپورټنګ کولو په پایله کې هدف شوي او وژل شوي دي.
د قبایلي سیمو خبریالانو د یونین پخواني مشر قاضي فضل الله په خپله وینا کې اوویل چې قبایلي صحافیان د ډیرو سختو حالاتو سره مخ دي او دوی آزاد صحافت په ډیره سختې ترسره کوی ځکه ددوی ژوند ته ډیر خطر دې.
نوموړي غوښتنه وکړه چې د شهید خلیل جبران اپریدي د قتل دې ریښتونې پلټنې وشي او د شهید کور واله سره دې په بشپړه توګه مالي مرستې وشي