وزيراعظم شهباز شريف په مشرۍ کښې د وفاقي اجلاس شوي وو چې پکښې د ملک امنيتي او معاشي صورتحال او په خصوصي توګه ايران اسرائيل ترمينځ تاؤ تريخوالي په معاملو خبرې شويدي ۔ د کابينې ممبرانو د ايران په جوهري او پوځي تنصيباتو د اسرائيل د فضائي حملو په سختو ټکو کښې مذمت کړېدے ۔
اجلاس ته وينا په وخت وزيراعظم شهباز شريف وئيلي دي چې د اسرائيل حملې د ايران د خپلواکۍ او د سيمې سلامتيا ښکاره خلاف وزري ده ولې د افسوس مقام خو دا دے چې نړي والې ټولنې هم په دې جارحيت خاموشي خپله کړيده ۔ وزيراعظم د دې حملو وروستو د پاکستان د کردار ذکر کړيدے او وئيلي يي دي چې په تهران فضائي حملو او د قيمتي ځانونو د زيان نه پس ئې د ايران،ترکيه او نورو ملکونو د مشرانو سره رابطه کړي وه او ورسره ئې په دې صورتحال خبري کړيدي۔
وزيراعظم وائي چې پاکستان د مشکل په دې وخت کښې د ايران د اولس او حکومت سره ولاړ دے او د يووالي اظهار ورسره کوؤ ۔ وزيراعظم دا هم وئيلي دي چې د ايران او اسرائيل تاؤ تريخوالې جاري پاتي کيدل د سيمې لپاره خطرناک دي، پاکستان په منطقه او ټوله نړۍ کښې امن غواړي او دې لپاره به تل خپل کردار ادا کوؤ۔
وزيراعظم شهباز شريف زياته کړيده چې غزه کښې د زرګونو فلسطنيان شهيد کولو نه پس اسرائيل اوس په ايران کښې هم د عام خلکو قتل عام شورو کولو اراده کړيده بايد چې نړي واله ورورولي د اسرائيل او ايران ترمينځ روانه جهګړه په فوري توګه د ختمولو لپاره خپل کردار ادا کړي