بهارتي جارحيت نه نړي خبر ساتلو لپاره د وزيراعظم شهباز شريف لخوا ټاکلي شوي سفارتي وفد مشر بلاول بوټو زرداري په لندن کښې ميډيا سره خبرو په مهال وئيلي دي چې د هغه د امريکې او لندن دورې کاميابې وې او د دې دورو په مهال د برطانيې او امريکې حکومتي چارواکو،د پارليمنټ د ممبرانو او نيويارک کښې د متحده قامونو د مشرانو او سلامتي کونسل غړو سره شوي ملاقاتونه ګټه وو وو ۔
بلاول د پاکستان او هند ترمينځ تاؤ تريخوالي د کمولو او دواړو ملکونو ترمينځ جنګ بندۍ لپاره د امريکني صدر ډونلډټرمپ د کوششونو خصوصي ذکر وکړو او د هغه شکريه ئې ادا کړيده ۔بلاول وئيلي دي چې هند حکومت د پهلګام حملې ذمه وارې بغير د څه تحقيق يا ثبوت په پاکستان اچولي ده او بيا ئې د جارحيت مظاهره کړي وه خو د فيلډمارشل عاصم منير مشرۍ کښې پاک فوج د هندوستان دغه جارحارنه عزائم خاورو سره خاورې کړيدي ۔
د سند طاس معاهدې په حواله د يوې پوښتنې په جواب کښې بلاول بوټو زرداري ووئيل چې نريندر مودي تشې دعوي کوي د پاکستان د برخې اوبه هيڅوک هم نشي بندولې او نه څوک په يک طرفه توګه د سند طاس معاهده معطل کولې شي ۔ بلاول وائي چې پاکستان چرې هم د خپل دفاع نه غافله نه دے که نريندر مودي دوباره په پاکستان د څه قسمه حملې کوشش وکړو نو داسې سخت جواب به ورکړو چې هندوستان به ئې ټول عمر بيا ياد ساتي۔
د جنوبي ايشيا امن په حواله د يوې رپورټر د پوښتنې په جواب کښې بلاول ووئيل چې پاکستان تير څو کالو راهسې د ترهه ګرۍ ښکار دے،پاکستان کښې بدامني خورولو لپاره هندد کالعدم تنظيمونو ملاټر کوي او د نړي توجو دې طرف نه اړولو لپاره هند حکمرانان مختلف قسمه ډرامه بازۍ کوي خو اوس ټولې نړۍ ته د هندوستان مکروه مخ ښکار شوېدے ۔
د بلاول وينا ترمخه پاکستان هيڅ ملک سره بدامني نه غواړي خو د امن دا خواهش د پاکستان کمزوري ګڼل نه دي پکار۔ بلاول زياته کړيده چې پاکستان هميشه د امن او ورورولۍ خبره کړيده ولي د هندواکمن او وزيران د جنګونو خبرې کوې او څو وارې ئې د پاکستان د ذمه وارانه رويې غلط مطلب اخستې دے ۔
د کشمير کشالې په حواله بلاول ووئيل چې په دې حواله د ټولو قام او سياسي پارټو موقف يو شان دے، کشمير د هند کورنې معامله نه ده بلکه دا نړي وال ايشو ده کومه چې د متحده قامونو د قراردادونو مطابق حل کيدل پکار دي د دې مسئلې د حل لپاره هند سره بغير د څه شرط د مذاکراتو لپاره هر وخت تيار يو ۔د
امريکې او د لندن دورې مکمل کولو نه پس د بلاول بوټو زرداري په مشرۍ کښې د پاکستان پارليماني وفد برسلز ته تلې دے او هلته به هم مهم ملاقاتونه کوي ۔