د کراچۍ ملير جيل نه د قيديانو د تښتيدو د ټولو نه لويه واقعه رامخې ته شويده،د جيل سپرټينډنټ ارشدشاه وئيلي دي چې د شپے په وخت راغلې زلزلې دوران د جيل نه قيديان تښتيدلي دي،د هغه وينا وه چې پوليسو وروستو د قيديانو دوباره ګرفتارۍ لپاره خواؤ شا علاقو کښې چهاپې وهلي او د اتيا نه سيوا قيديان دوباره ګرفتار کړي شويدي،د جيل انتظاميه وائي چې تښتيدلي قيديانو کښې زياتره هغه کسان وو څوک چې نشي موادو لرلو په الزام کښې نيولي شوي وو او هيڅ يو خطرناک قيدي يا د ترهه ګرې حملو کښې ککړ قيدي د جيل نه نه دي تښيدلے۔د پيښې په حواله ميډيا له تفصيلات ورکولو په وخت د سند داخله امورو وزيرضيا الحسن لنجار وئيلي دي چې قيديانوجيل نه دې مات کړې بلکه زلزله راتلونه پس ټول قيديان د بيرکونو نه رابهر کړي شوي وو دې دوران قيديانو د موقعې نه فائده پورته کړېده او تښتيدلي دي ۔ د جيل سپرټينډنټ ارشد شاه وائي چې د قيديانو جيل نه تښتيدو دوران د پوليسو او قيديانو ترمينځ ډزو تبادله هم شوې چې پکښې يو قيدي وژلي شوے ،قيديان دوباره ګرفتارولو آپريشن دوران درې ايف سي او دوه پوليس اهلکار ژوبل شويدي ۔ ډي آئي جي خيل او ډي جي