د خارجه دفتر ترجمان شفقت علي خان په پاکستان د بهارتي چارواکو بيانونه مسترد کړيدي ۔ د خارجه دفتر ترجمان بيان ترمخه بهارت د پاکستان بدامنۍ او کشمير کښې ترهه ګرۍ کښې ملوث دې خو نړي ګمراه کولو لپاره بهارتي وزيران او خارجه محکمې په پاکستان بے بنياده او د دروغو تورونه لګوي ۔خپل بيان کښې د خارجه دفتر ترجمان وئيلي دي چې نړي واله ورورولي د بهارتي جارحانه رويے د ريکارډ نه ښه خبر ده خو مودي سرکار د علاقائي عدم استحکام ذمه وار پاکستان ګرځوي ده دا قسمه دعوي مقبوضه کشمير کښې روان بهارتي ظلم او زيادتي نه د نړې توجو نشي اړولے۔ بيان کښې زياته کړي شويده چې د کشمير مسئله د متحده قامونو د قراردادونو مطابق په منصفانه توګه حل کيدل پکار دي او تر څو چې دا مسئله حل شوي نه وي په دې سيمه کښې هم امن او استحکام نشي راتلے۔د خارجه دفتر ترجمان د پاکستان دفاع او خپلواکۍ تحفظ هر حال کښې يقيني ساتلو دعزم اظهار کړېدے او خپل بيان کښې ئې بهارت له خبردارې ورکړېدے چې د پاکستان خلاف غلط بيانونه، منفي پروپګنډا يا د طاقت په ذريعه خپل مقاصد ترلاسه کولو کوشش به ئې چرې هم کامياب نشي ۔ خپل بيان کښې د خارجه دفتر ترجمان په سفارتي سطح د بهارت د ناکامو ذکر کړېدے او وئيلي ئي دي چې د امن په ځائي د جنګونو رويه خپلول او دباؤ سياست د بهارتي وزيراعظم نريندر مودي ناکامه حکمت عملې دي پکار ده چې بهارت د دې غلطو نه زده کړه وکړي ۔