سفارتی ذریعو ترمخه د پاکستاني هم منصب اسحاق ډار په خصوصي بلنه افغان وزير خارجه مولوي امير خان متقي به ډير زر د پاکستان درې ورځنې دوره کوي ۔ د دې دورې مقصد د دواړو ملکونو ترمينځ اړيکې پراخه کول دي،
ذرائع وائي چې د اميرخان متقي د پاکستان دوره د دواړو ملکونو ترمينځ د رابطو او ملاقاتونو د سلسلې برخه ده، دې نه مخکښې د اپريل په مياشت کښې د پاکستان خارجه وزير اسحاق ډار د افغانستان دوره کړې وه او د افغانستان د چارواکو سره ئې اهم ملاقاتونه کړې وو
د پاکستاني خارجه وزير د کابل سفر په مهال دواړو ملکونو واکمنو په دې اتفاق کړې وو چې دوه اړخيزه تعلقات نور هم مضبوطول او د سيمې امن او استحکام لپاره د وزيرانو په سطح د رابطو سلسله به جاري ساتلي شي ۔
افغان خارجه وزير د پاکستان ممکنه دورې په مهال به د دواړو ملکونو ترمينځ پولو د سيکيورټۍ،د افغان کډوالو خپل هيواد ته واپسۍ ،پاک ۔ افغان ټرانزټ ټريډ او په نورو مهمو معاملو به خبرې کيږي ۔
دې نه آګاهو مولوي امير خان متقي په پنځم مئي کال دوه زره دريويشتم کښې د خارجه وزير په حيث د پاکستان څلور ورځنې دوره کړې وه ۔