کندوز: د افغانستان د ملي مقاومت محاذ ، این ار ایف دعوی کړې چې د کندوز په ولایت کې یې د طالبانو پر ځواکونو ی هدفي برید تر سره کړی چی پکی دوه طالب وسله وال وژل شوی او یو بل ژوبل شوې دې
دا پېښه د افغانستان په شمال کې د طالبانو پر ضد د زیاتېدونکي تاوتریخوالي څرګنده نښه ګنړی کیږی
د این ار ایف له خوا په ټولنیزو رسنیو په خپور شوی رپورټ کی ویلي شوی چې د دوی ځواکونو د پنجشنبې په ماښام کندوز ښار د شپږمې ناحیې ته نږدې د طالبانو پر یوې پوستې برید وکړ.وایی چې په برید کې دوه طالبان وژل شوي او یو بل ټپي شوی، خو د این آر ایف ځواکونو او ملکي وګړو ته کوم زیان نه دی اوښتی
ملي مقاومت وایی دا برید د هغه پرلهپسې هدفی عملیاتو برخه ده چې د طالبانو پر ضد ترسره کېږي
امنیتي شنونکي وایي، د کندوز پېښه له هغو پراخو ارزونو سره سمون لري چې په شمالي ولایتونو لکه کندوز، بغلان، پنجشېر او بدخشان کې د مقاومت او نورو وسلهوالو فعالیتونو د زیاتوالي څرګندونه کوي. دا وضعیت د طالبانو هغه ادعاوې ننګوي چې وایي په ټول هېواد کې یې بشپړ کنټرول ټینګ کړی دی
سیمهییز څارونکي خبرداری ورکوي چې د افغانستان خرابېدونکی داخلي امنیتي وضعیت یوازې کورنۍ پایلې نه لري، بلکې د سیمې پر ثبات هم اغېز کوي. د ګاونډیو هېوادونو لپاره تر ټولو لویه اندېښنه دا ده چې اوږدمهاله کورنی شخړیز حالت د وسلهوالو ډلو لپاره مناسب چاپېریال رامنځته کوي، چې دې د سرحدي بېثباتۍ خطر زیات کړی
د شنونکو له خوا وړاندې شوي شمېرې ښيي چې د این آر ایف عملیات، که څه هم ډېری یې د ټیټې کچې دي، خو دوامداره پاتې شوي دي. د جبهې د ادعا له مخې، د ۲۰۲۴ کال له مارچ څخه د ۲۰۲۵ کال تر مارچ پورې یې په ۱۹ ولایتونو کې ۴۰۱ هدفی عملیات ترسره کړي، چې په ترڅ کې یې د ۶۵۱ طالبانو د وژل کېدو راپور ورکړی، یوازې په کابل کې ۱۲۶ بریدونه شوي دي. همداراز، له اګست ۲۰۲۱ څخه تر سپتمبر ۲۰۲۴ پورې جزوي معلومات د ۲۳۶ پېښو یادونه کوي چې پکې ۹۰۴ طالبان وژل شوي او ۲۹۵ نور ټپیان شوي، خو په مقابل کې ۱۱۳ د قامی مقاومت فرنټ جنګیالي وژل شوي دي
شنونکي وایي دا شمېرې ښيي چې د افغانستان امنیتي ستونزه نوره یوازې د یوه واحد جګړیز محور پورې محدوده نه ده، بلکې د مقاومت فعالیتونه، د طالبانو ضد اقدامات، او د افراطي ډلو شتون د تلپاتې سولې هیلې لا پسې پېچلې کړې دي
د مقاومت د بریدونو او د وسلهوالو ګواښونو له دوام سره، شنونکي ټینګار کوي چې د افغانستان بېثباتي به په نږدې راتلونکي کې هم د سیمې د امنیتي محاسبو لپاره یوه جدي اندېښنه پاتې شي