د برتانیه محکمې دوو افغان ځوانانو ته د ۱۵ کلنې نجلۍ د تښتولو او جنسي تېري د قضیې په تړاو د اوږدې مودې د بند سزاګانې اورولې دي
د پېښې پر وخت دواړو ځوانانو عمرونه ۱۷ کاله وو
د راپورونو له مخې، جان جهانزيب ته ۱۰ کاله او ۸ مياشتې قيد ورکړل شوی، او اسرار نيازل ته ۹ کاله او ۱۰ مياشتې بند ټاکل شوی دی. دواړو ځوانانو په محکمه کې خپل جرم منلی دی
څیړنی ښيې دا پېښه هغه مهال رامنځته شوه چې متاثره نجلۍ له خپلو ملګرو بېله شوې وه. دواړو ځوانانو نجلۍ په چل له ځانه سره نژدې پارک ته بوتله او هلته يې پر هغې جنسي تېری وکړ
محکمې د دواړو ځوانانو پر وړاندې دا سختې سزاګانې وروسته اورولې چې هغوی د جرم په کولو سره مجرم وګرځول شول او خپله تېروتنه يې ومنله
د برتانیی حکومت په وروستو کی د مهاجرینو او پناه اخستونکو په اړه قوانین هم بدل کړی دی او په برتانیه کې د اوسیدو او شهريت دپاره ی موده شل کلونو ته زیاته کړی حکومت وایی برتانیه ته راتلونکی مهاجرینو له امله په جرمونو کی هم زیات والی راغلی