د سیکانو تنظیم سیکهه فار جسټس مشر ګرپتونت سنګهه اعلان کړې دې چې کینیډا د خالصتان ریفرنډم لپاره رسمي اجازه ورکړې ده
د سیکانو دې سازمان مشر ګرپتونت سنګهه یو مهم بیان خپور کړې دې، په بیان کې وایی چې کینیډا حکومت د خالصتان ریفرنډم د ترسره کېدو رسمي منظوري ورکړې ده
ګرپتونت سنګهه وویل چې د کینیډا د حکومت په اجازه به د نومبر په ۲۳مه نېټه په بلنګز اسټېټ، اوټاوا کې د خالصتان ریفرنډم ترسره شي ، زیاتوي چې په دې ټولپوښتنه کې به د سیکان برخه واخلي او د آزاد خالصتان لپاره به خپله رای وکاروي .
نوموړي زیاته کړه چې د کینیډا لوري حکومتي اجازه د کینیډا د حکومت د بیان د آزادۍ او دیموکراتیک بهیر د پیاوړتیا څرګندونه کوي، هغه زیاته کړه چې ریفرنډم تابیا کول او رای اچول د مرمۍ پر ځای یوه سوله ایزه هڅه ده
د مودي حکومت په نړیوال ډګر کې بربنډیدل
د راپورونو له مخې، د خالصتان د تحریک په ملاتړ کې د کینیډا دا دریځ د مودي حکومت کورنۍ او بهرنۍ ناکامۍ په نړیوال ډګر کې نورې هم بربنډې کړي دي ، په کینیډا کې په دوام داره توګه د آزاد خالصتان ریاست لپاره ریفرنډم، یعني ټولپوښتنه کیږي او سیکان په دې رای اچونه کې برخه اخلي ترڅو دوی له هند څخه د آزاد پنجاب ریاست په ترلاسه کولو کې بریالي شي
هغه د سیکانو ټولنې وغوښتل چې د هند پنجاب له هند واکمنۍ څخه د آزادولو لپاره دې خپله رأیې وکاروي او په لوی شمېر کې دې په ټاکل شوې نیټه په دې ریفرنډم کې ګډون وکړي مهمه ده چې یادونه وشی چې د کال ۲۰۱۱ د سرشمیرنې له مخه په هند کې ۲۰ ملیونه سیکان ژوندې کوي خو وس اټکل کیږي چې دا شمیر به له دې ډیره زیاته شوي وي، په هند کې د پنجاب په صوبه کې ترټولو زیات سیکان ژوند کوي او سیکانو پنجاب له هند څخه د آزادولو لپاره خالصتان تحریک پیل کړي دې
نورخبرونه: د خالصتان تحریک مشر د پاکستان ملاتړ په اړه یو تازه بیان مخې ته راغلې