پشاور: د خیبرپښتونخوا اینټي کرپشن ځانګړې محکمې د سرکاري غلې (غنمو) د مالي غبن قضیې اورېدنه ترسره کړه، چې مشري یې د اینټي کرپشن عدالت قاضي آصف رشید کوله د اورېدنې پر مهال اینټي کرپشن ادارې دوه افسران د استغاثې د شاهدانو په توګه محکمې ته حاضر شول، چې د هغوی بیانونه د عدالت له لوري ثبت کړل شول محکمې د استغاثې نورو شاهدانو ته هم د حاضرېدو حکم کړی او د قضیې راتلونکی سماعت یې د دسمبر لومړۍ نېټې ته وځنډاوه
دمقدمی د جزئیاتو ترمخه په دغه غبن کې ښکېل پنځه ملزمانو باندې فرد جرم لګول شوی دی. په تورنو کسانو کې محمد ارشد، محمد خالد، قاضي جنید، طلاء محمد او محمد عاطف شامل دي، او بل تورن تن عثمان عابد شاه لا د قانون منګلو ته نه دی راغلی
د استغاثې په وینا، ټول ملزمان د نوشهره اضاخېل د غنمو ګودام کارکوونکي وو او هغوی په ګډه د شاوخوا ۱۷۰۰ ټنو غنم ، نږدی ۳۳۰۰ بوریو د غنمو په غلا کولو تورن دي، چې له امله یې قامی خزانی ته ۱۹ کروړ ۶۰ لکه روپو تاوان رسیدلی دی
پراسیکوشن زیاتوي چې د ملزمانو پر ضد پلټنې بشپړې شوي او اوس د محاکمي رسمي لړۍ روانه ده.
محکمې نن د عینی شاهدانو دواړو افسرانو بیانونه ثبت کړل او د نورو شاهدانو د رابللو امر یې وکړ. د قضیې بله اورېدنه به د دسمبر په لومړۍ نېټه ترسره کېږي
نورخبرونه: د خیبر پښتونخوا وزیراعلی پر ضد پیکا ایکټ لاندې مقدمه درج شوې