اسلام آباد: نن د نهې په ورځ غرمه ۱۲ نیمې بجې د اسلاماباد د جي الېون سېکټر د ضلعي او سېشن کچهرې مخې ته یو زورور ځانمرګی برید وشو، چې په نتیجه کې لږ تر لږه ۱۲ کسان شهیدان او ۲۷ نور ژوبل شوي دي.
د پولیسو د لومړنیو معلوماتو له مخې، یو موټرسایکل سپور ځانمرګی بریدګر غوښتل د جوديشل کمپلیکس ودانې ته ورننوځي، خو کله ی چې موقع ترلاسه نه کړه، د پولیس د موټر څنګ ته ورسېد او هلته یې ځان والوزاوه. د چاودنې له امله د پولیسو یو موټر او دوه شخصي وسایط وسوځېدل، او د بریدګر د بدن ټوټې د کچهړۍ دننه ورغلې.
د برید ذمه واري یو ترهګرې ډلې په غاړه اخستې
په داسې وخت کې چې له افغان خاورې څخه ناقانونه ګرځول شوې ډله ټي ټي پي د پاکستان پر ضد بریدونه کوي، نن د اسلام آباد دې برید ذمه واري هم له دې ډلې څخه بیلې شوې یوې بلې ډلې جماعت الاحرار په غاړه اخستې ده
یادې ډلې ددې برید ذمه وارې په یوه اعلامیه خپرولو سره چې د غازي میډیا نیټورک لوري خپره شوې اخستې ده، په اعلامیه کې ی ویلي دي چې دا برید ددوی یو ځانمرګي برید کړې چې د اسلام آباد په جوډیشل کمپلیکس کی ی ترسره کړل او د پاکستان هغه ججان ی په نښه کړل چې د غیرشرعي قانون له لارې پریکړه کوي
نورخبرونه: اسلام آباد کې ځانمرګي برید: دولس ۱۲ کسان شهیدان شوي