اسلاماباد: د جي الېون په سېکټر کې د کچهرۍ د پارکینګ په سیمه کې ولاړ موټر کې زوروره چاودنه شوې، په څرګنده خو دا چاودنه د ګاز سلنډرچاودنه ښکاري خو پلټنې روانې دي، د چاودنې وروسته په موټر اوربل شو او په بشپړه توګه وسوځیدلو
د راپورونو له مخې، نن د سهشنبې په غرمه شاوخوا د دولس نيمې بجې د اسلاماباد د جي الېون سېکټر د کچېري په پارکینګ سیمه کې زوروره چاودنه وشوه، چې غږ یې تر لرې واټنونو واورېدل شو.
چاودنې د پارکینګ په سیمه کې اور بل کړ، او نږدې ولاړ نور موټرونه هم د اور لمبو له امله وسوځیدل
د لومړنیو معلوماتو له مخې، چاودنه د موټر دننه د لګول شوي سلنډر د چاودنې له امله شوې، چې له امله یې یو شمېر وکیلان او مراجعین (سائلین) ټپیان شوي دي. پولیس وايي، د چاودنې پر مهال د کچهرۍ په سیمه کې د خلکو تګ راتګ ډېر و، له همدې امله یو شمېر مراجعین هم ټپیان شوي دي.د پولیسو په وینا، تر اوسه دا پېښه د سلنډر چاودنه ښکاري، خو په دې اړه څېړنې پیل شوې دي
نورخبرونه
د پاکستان او افغانستان یوبل سره اړیکو د پیاوړتیا په اړه اسلام آباد کې مهمه غونډه
اسلام آبادنیشنل پریس کلب کې په خبریالانوتشدد: وزیرداخله ی نوټس اخستې او د پلټنو امر ی کړې
د لکي مروت څخه د مشرانو جرګې غړو اسلام آباد کې د افغانستان سفیر سره لیدنه کړې ده