پرون څومره افغان کورنۍ افغانستان ته راستنې شوي، ځانګړې راپور خپور شوې

د افغانستان مهاجرینو ستونزو ته د رسېدنې عالي کمېسیون دارالانشاء، د کمېټو ورځنی کاري راپور خپور شوې دې، راپور د شنبې ورځ، د ۱۴۴۷/۵/۱۰هـ قـ نېټه چې ۱۴۰۴/۸/۱۰هـ ل نېټې سره، سمون خوري ، په راپور کې وایی چې د هېواد له بېلابېلو لارو څخه افغان مهاجرین په اجباري توګه راستانه شوي او په بېلابېلو برخو کې ورته اړین خدمات وړاندې شوي دي

د اسلام کلا له لارې (۱۳) کورنۍ چې د غړو شمېر یې (۵۶) تنه و، هېواد ته راستنې او  ثبت شوي دي.د مالي چارو د تنظیم کمېټې له لوري له (۱۴) کورنیو سره مجموعًا (۱۰۶۰۰۰)افغانۍ مرسته شوې ده.

د نیمروز ولایت د ورېښمو  له لارې (۷)کورنۍ چې د غړو شمېر یې (۲۹)تنه و، هېواد ته راستنې او  ثبت شوي دي او همدا راز (۱۴۳۳۴)مسافر هېواد ته راستانه شوي دي. د مالي چارو د تنظیم کمېټې له لوري له (۱)کورنیو سره مجموعًا (۱۰۰۰۰)افغانۍ مرسته شوې ده.

د نیمروز د ورېښمو په لار کې راستنه شویو مهاجرینو ته د روغتیا په شمول لاندې بیلابیل خدمات وړاندې شول

روغتیا: په ورېښمو لار کې (۷۳۱)تنه راستانه شوي مهاجرین تداوي شوي دي

مخابرات: په ورېښمو لار کې مهاجرینو ته (۷)عدده سیمکارتونه وېشل شوي دي

د نیمروز ولایت د ورېښمو په لار کې مهاجرینو ته عامه پوهاوی ورکړل شو. یادو مهاجرینو ته د دوی د ثبت، لیږد، مالي مرستو، لنډ مهاله مېشتېدنې او همدرانکه د هېواد، اسلامي نظام، مهاجرت، صبر او زغم، ښوونې او روزنې په اړه ګټور پوهاوی ورکړل شو

د سپین بولدک له لارې (۱۴۳۶)کورنۍ چې د غړو شمېر یې (۷۹۱۳)تنه و، هېواد ته راستنې او ثبت شوي دي. له سپین بولدک څخه (۸۵۳)کورنۍ چې د غړو شمېر یې (۵۱۱۸)تنه و، کندهار، هرات، زابل، غزني، فراه، نیمروز او کابل ته په خوندي توګه لېږدول شوي دي او یادو کورنیو ته (۷۴۶۸۴۰۰)افغانۍ کرایه هم ورکړل شوې ده. د مالي چارو د تنظیم کمېټې له لوري له (۱۰۲۶)کورنیو سره مجموعًا (۸۶۲۴۰۰۰)افغانۍ مرسته شوې ده

په سپین بولدک کې  راستنېدونکو مهاجرینو ته د روغتیا په شمول لاندې بېلابېل خدمات وړاندې شوي

غذا: په سپین بولدک کې (۱۷۴۳۰)خوراکه ډوډۍ او اوبه ویشل شوي دي. 

مخابرات: راستنو شویو مهاجرینو ته (۹۴۲)عدده سیمکارتونه، په وړیا توګه چې وړیا دقیقې او انټرنېټي بستې هم پکې فعاله وې، توزیع شوي دي. د مهاجرنیو اړوند دې دفتر بشپړ راپور په دا ډول دې

ثبت شـــــوي مهـاجرین:               (۱۴۵۶)کورنۍ او (۷۹۹۸)افراد

لېږدول شـوي مهـاجرین:               (۸۵۳)کورنۍ او (۵۱۱۸)افراد

مرسته شوي مهــاجرین:              (۱۰۴۱)کــورنۍ

وېشل شوي سیمکارتونه:              (۹۴۹)عــــدده

نورخبرونه: حکومت پاکستان په خیبر پښتونخوا کښې د افغان مهاجرینو پینځه کیمپونه تړلو پریکړه کړې