د ترکي په پلازمینه استنبول کې په ۲۵ اکتوبر د پاکستان او افغان طالبانو ترمنځ د راپیښې کړکیچ ته د پای ټکې کیښودلو لپاره پرون په دویمه ورځ هم د ترکي او قطر په منځګړتوب او د ترکي په کوربه توب خبرې وشوې
د امنيتي سرچينو د معلوماتو له مخې، په استنبول کې د خبرو اترو پر مهال پاکستاني پلاوي افغان طالبانو ته خپل حتمي او نهايي دريځ وړاندې کړ-سرچينې وايي، پاکستان روښانه کړې ده چې د افغان طالبانو له لوري د ترهګرو ملاتړ يا پټ پناه ورکول په هېڅ ډول د منلو وړ نه دي
د امنيتي چارواکو په وينا، پاکستاني پلاوي ټينګار وکړ چې د ترهګرۍ له منځه وړلو لپاره بايد عملي، جدي او د باور وړ ګامونه پورته شي-خو د سرچينو په وينا، د طالبانو استدلالونه غيرمنطقي او د واقعي حالاتو څخه لرې وو.
چارواکي زياتوي چې داسې ښکاري، افغان طالبان د بل چا په ایجنډا تر نفوذ لاندې روان دي، چارواکي وایی او زیاتوي چې دا یوه داسې ایجنډا ده چې نه يوازې د افغانستان، بلکې د پاکستان او ټولې سيمې د ثبات او امنيت په ګټه نه تمامیږي او دې سره به د سیمې امن اوثبات ته وي ګواښونه راپیښ شي
د یادونې ده چې نن به په دریمه ورځ هم د پاکستان او افغانستان پلاوي د کړکیچ کمولو او د خبرو دا دویم بهیر پای ته د رسولو لپاره غونډه کوي خو د امنیتي سرچینې ترمخه پاکستان ښکار دریځ خپل کړې چې د سیمې په ثبات باندې او د ترهګرو ډلو په ضد اقدام او د څار په لړ کې به هیڅ کوم جوړ جاړې و نه کړي
نورخبرونه
استنبول مذاکرات: پاکستان د طالبانو حکومت مخې ته سره کرښه راښکلې