سرچینو تاید کړې ده چې نن د شنبې،خالي په ورځ د ترکي په مرکزي ښار استنبول کې د پاکستان او افغانستان طالبانو ترمنځ د دوحه تړون پریکړې ترمخه مهمه غونډه کیږي، په غونډه کې په مهمو موضوعاتو د سرحدونو په پرانستلو او د ترهګرۍ مخنیوي په اړه ټینګار کیږي.
د سرچینو ترمخه افغان پلاوي مشري د کورنیو چارو وزارت مرستیال حاجي رحمت الله نجیب کوي.د سرچینو ترمخه په افغان پلاوي کې سهیل شاهین، انس حقاني، بهرنیو چارو وزارت عمومي سیاسي رئیس نور احمد نور، د دفاع وزارت عملیاتي معاون نورالرحمان نصرت او د بهرنیو چارو وزارت ویاند عبدالقهار بلخي شامل دي.
د پاکستان له لوري ددې پلاوي په ترکیب کې دوه تنه شامل دي، نومونه یې نه دي په ډاګه شوي، خو ویل شوي چې دواړه افسران د پاکستان پوځ غړي دي
د قطر او ترکیې په منځګړیتوب د مذاکراتو لومړی پړاو دوحه کې تر سره او د افغانستان پاکستان ترمنځ یې د اوربند پرېکړه وکړه چې لا هم دواړو لوریو پرې عمل کړی خو د ۱۴ ورځو په تیریدو بیا هم د تورخم، سپین بولدک، شمالي او جنوبي وزیرستان او کورمې لار د هر ډول تجارت پر مخ تړل شوې دي.
استنبول غونډه او د پاکستان دریځ
د سرچينو له مخې، په ترکي دې غونډه کې به د یو ميکانيزم په جوړولو خبره کیږي چې د ترهګرۍ د څارنې ، مانيټرنګ برخه به هم پکې شامله وي۔
سرچينو زياته کړه چې پاکستاني چارواکي د خپلو وړانديزونو سره په دې مهممه غونډې کې د ګډون لپاره ورغلي دي، چې پکې له افغانستان څخه په پاکستان کې د ترهګريزو بريدونو مخنيوی، د هغو څارنه، او په دې تړاو د يو ګډ ميکانيزم وروستۍ بڼه ته رسول شامل دي۔
يادونه بايد وشي چې د قطر او ترکيې په منځګړيتوب د پاکستان او افغانستان ترمنځ د خبرو اترو لومړی پړاو په دوحه کې په تیر ۱۸م اکتوبر ترسره شوی و، چې د دې پايله کې د پاکستان او افغانستان طالبانو ترمنځ د اوربند پرېکړه شوې وه.
نورخبرونه
دوحه تړون: د افغان طالبانو پلاوې ترکیه ته روان شوې
دوحه تړون: له افغانستان خاورې په پاکستان بریدونو کم شوي
دوحه مذاکرات: کله چې یو لوري ځواک وکارول شی نو بیا ډیپلو میسي کارکوي: کارپوهان