د قطر په پلازمینه دوحه کې په ۱۸م اکتوبر د پاکستان او افغانستان د سولې مذاکراتو وروسته، په پاکستان کې د ترهګریزو بریدونو کچه په څرګند ډول راټیټه شوې ده۔ د پاکستان تر ټولو ستره اندېښنه لا هم د تحریک طالبان پاکستان ډله ده، چې د راپورونو له مخې د افغانستان له خاورې څخه د سرحدي بریدونو لپاره کار اخلي
د پاکستان متحدین، په ځانګړي ډول قطر او ترکیه، پر افغان حکومت فشار راوړي چې د دغې ډلې پر ضد مؤثر اقدام وکړي۔ دواړو هېوادونو د دوحې په مذاکراتو کې د منځګړیتوب رول ولوباوه او د راتلونکي غونډې لپاره یې د اکتوبر ۲۵مه نېټه د استانبول په ښار کې اعلان کړې ده
د دوحې له خبرو وروسته، پر افغان حکومت فشار زیات شوی چې د ټي ټي پي او نورو تندروه ډلو پر ضد عملي او سخت ګامونه پورته کړي۔ که څه هم لوی ترهګریز بریدونه کم شوي، خو لا هم د وړو بریدونو او تندلارو ډلو شتون یو جدي امنیتي ننګونه ده۔ د څېړونکو په باور، که د افغان طالبانو له لوري ناقانونه ګرځول شوې ډلې تحریک طالبان پاکستان پر ضد واقعي اقدام ونه شي، نو د سولې تړون بریالیتوب پر ځای د ناکامیدلو له خطر سره مخ کېدای شي
د مذاکراتو وروسته په پاکستان کې کوم لوی برید نه دی ثبت شوی، خو د راپورونو له مخې، په شمالي وزیرستان د میرعلي په سیمه کې د یوې حملې پر مهال د امن کمېټې شپږ غړي ژوندي سوځول شوي دي۔ که څه هم دغه برید ټي تي پي نه دې منلې خو بیان هم د دوحه مذاکراتو وروسته داسې بده پیښه مخې ته راتلل د اندیښنې وړ خبره ده او دا ښایی چې ترهګر نه غواړي په دا سیمه کې امن او ثبات وي
د دفاعي چارو شنونکي وايي، د وروستیو سرحدي نښتو پر مهال پاکستان د افغانستان دننه د تحریک طالبان پاکستان او تحریک طالبان غزنی پر مرکزونو هوایي بریدونه کړي، چې پکې د دغو ډلو د دوهمې کچې مشران وژل شوي دي۔ د دوی په وینا، د مشرتابه دا تلفات ښايي د دغو ډلو پر فعالیتونو ژور اغېز وکړي
کارپوهان دا هم وايي، چې د پاکستان او افغانستان تر منځ وروستي مذاکرات او ګډې هڅې د سیمې د ثبات او سولې لپاره یو مهم ګام دی۔ که د افغان طالبانو حکومت د ناقانونه ګرځول شوو ډلو پر ضد جدي اقدامات وکړي، نو تمه ده چې په پاکستان کې د ترهګریزو بریدونو کچه لا نوره هم راکمه شي
دلته مهمه ده او باید یادونه وشی چې د قطر حکومت له لوري په ۱۹اکتوبر خپره شوې یوه اعلامیه کې ویل شوي دي د دوحه خبرو وروسته دوی هیله من دي چې د پاکستان او افغانستان دوه ګاونډي او ورونړه هیوادونه به په سرحدونه امن او ثبات ته وده ورکړي او دا دواړه هیوادونه به یو داسې بنسټ کیدي او ګامونه به واخلي چې د سیمې په سوله او ثبات باندې به تمام شي
نورخبرونه
دوحه مذاکرات: کله چې یو لوري ځواک وکارول شی نو بیا ډیپلو میسي کارکوي: کارپوهان
پاکستان ولې مجبور شو چې له افغانستانه د ټي تي پي بریدونو ته غبرګون وښایی
د شخړې بنسټ: د ټي ټي پي لوري افغان خاوره د پاکستان په ضد کارول