هند د افغانستان په پلازمېنه کابل کې خپل تخنیکي مأموریت ته په رسمي توګه د سفارتخانې درجه ورکړې ده او په کابل کې ی په رسمي توګه سفیر ټاکلې او یو ځل بیا فعال کړې دې.
د هند د بهرنیو چارو وزارت د اعلامیې له مخې، دا پرېکړه د افغان د بهرنیو چارو د وزیر د وروستي سفر پر مهال د شوې موافقې پر بنسټ شوې ده.
وزارت ویلي، د دې اقدام هدف دا دی چې د هند او افغانستان ترمنځ دوه اړخیزې اړیکې لا پیاوړې شي. په بیان کې ویل شوي چې دا ګام د هند هغه ژمنتیا څرګندوي چې غواړي له افغانستان سره په هر ډګر کې متقابلې اړیکې پراخې کړي
په اعلامیه کې زیاته شوې ده چې د کابل سفارت به اوس د افغانستان د هر اړخیز پرمختګ، بشري مرستو، او د ظرفیت لوړولو پروژو کې د هند مرسته نوره هم پراخه کړي. دا ټول فعالیتونه به د افغان ولس د اړتیاوو او لومړیتوبونو سره سم وي.
هندي حکومت ویلي چې کابل کې د تخنیکي مأموریت د سفارتخانې په سطحه د بدلون پرېکړه د افغان د بهرنیو چارو وزیر د نوي ډیلي د سفر پر مهال شوې وه، چې دواړو هېوادونو د نوې کچې همکارۍ پر پیل اتفاق وکړ.
سرچینې وايي، هند نه یوازې خپل دیپلوماتیک حضور لوړ کړی، بلکې له افغانستان څخه هم ورته اقدام ته تمه لري.
د هند د بهرنیو چارو وزارت ویلي چې دا بیا رغونه د هند او افغانستان د لرغونو اړیکو د نوي کولو او د افغانستان د راتلونکې د جوړولو په لور د همکارۍ یو څرګند نښه ده
یاده دې وي چې په ۲۰۲۱ کال کې د طالبانو تر واکمنېدو وروسته، هند په کابل کې خپل ډېری دیپلوماتان بېرته راستانه کړل، خو اوس دا پرېکړه د دواړو هېوادونو ترمنځ د سفارتې اړیکو د بیا پیل یوه مهمه مرحله بلل کېږي.
