د پاکستان حکومت او د افغان طالبانو ترمنځ د ۴۸ ساعتونو لپاره د لنډمهالي اوربند پرېکړه شوې چې نن ماښام له شپږو بجو څخه نافذېږي. دا اعلان د پاکستان د بهرنيو چارو وزارت په رسمي بيان کې شوی دی
افغان طالبانو هم د اوربند پخلۍ کړې
د افغانستان طالبانو حکومت هم ددې اوربند پخلۍ کړې دي او په یو بیان کې ی ویلي دي چې افغان طالبانو اړوند حکومتي چارواکو ټولو ځواکونو ته لارښوونه کړې ده چې نن له ۵پینځه نیمو بجو وروسته تجاوز و نه کړي او د اوربند په اړه ژمنه مراعات کړي.
د وزارت د اعلاميې له مخې، دا اوربند د طالبانو په غوښتنه رامنځته شوی او د دواړو لورو ترمنځ د روان کړکېچ د هواري لپاره د خبرو اترو ژمنتيا څرګندوي، نن پاکستاني امنیتي سرچینو ویلي وو چې دوی د افغان طالبانو برید ته ځواب ویلې وو او په افغانستان کې ی د ترهګرو مرکزونه په بریالیتوب سره په نښه کړې وو. .
د بهرنيو چارو وزارت وياند ويلي، دا ګام د دې نښه ده چې دواړه خواوې د تاوتريخوالي پر ځای د تفاهم له لارې د شخړې د حل هڅه کوي. په اعلاميه کې زياته شوې: “د اوربند په موده کې تمه کېږي چې دواړه خواوې به د دې پېچلي خو د حل وړ مسئلې لپاره مثبت او رغنده مذاکرات پرمخ بوځي
د دې پرېکړې اعلان له هغه وروسته راغلی چې په تېرو اونيو کې د دواړو هېوادونو ترمنځ څو ځله د پولې پر سر نښتې او ډزې وشوې چې له امله يې ګڼ شمېر ملکي وګړي او امنيتي سرتېري وژل شوي او ټپيان شوي دي
نورخبرونه