نائب وزيراعظم او خارجه وزير اسحاق ډار د قامي اسمبلۍ اجلاس ته وينا په مهال د پاکستان او سعودي عرب ترمينځ شوي تاريخي دفاعي معاهدې او د غزه د کشالې هواري لپاره د امريکائي صدر ټرمپ په امن منصوبه ايوان ته تفصيلات وړاندي کړيدي ۔ د اسحاق ډار وينا وه چې جنرل اسمبلۍ اجلاس په سائيډ لائن د صدر ټرمپ مشرۍ کښې د اسلامي ملکونو د مشرانود اجلاس دوران صدر ټرمپ امن معاهدې نکات دې مشرانو له ورکړي وه او د دې په جواب کښې چې کوم ۲۰ نکاتي ډرافټ اسلامي ملکونو لخوا فائنل شوي وو امريکې په هغې کښې رد بدل کړېدي ۔ د خارجه وزير وينا ترمخه د سعودي عرب هم منصب سره ئې د ټرمپ په امن منصوبه تفصيلي خبرې شوي وې، د سعودي عرب د حکومت موقف وو که چرې مونږ د ټرمپ په شل نکاتي ډرافټ اعتراض کوؤ نو اسرائيل به په فلسطنيانو ظلمونو نور هم سيوا کړي او د سعودي عرب په تجويز پاکستان د اته نور ملکونو سره مشترکه بيان جاري کړې وو۔ د ايوان ممبرانو د سوالونو په جواب کښې اسحاق ډار ووئيل چې د فلسطين او اسرائيل د مسئلې په حواله د پاکستان په موقف کښې هيڅ بدلون نه دي راغلے پاکستان د فلسطين د کشالې دوه رياستي حل غواړي د فلسطين په معامله زمونږه پاليسي هم هغه ده کومه چې د بابائے قام قائداعظم محمد علي جناح وه ۔ اسمبلۍ ته خپل تقرير کښې خارجه وزير د سعودي عرب او پاکستان ترمينځ لاس ليک شوي دفاعي معاهدي تفصيلاتو نه د قامي اسمبلۍ ممبران خبر کړيدي ،اسحاق ډار وئيلي دي چي د حرمين الشرفين سيکيورټي پاکستان ته حواله کيدل زمونږ لپاره د اعزاز خبره ده، دې معاهدې سره پاکستان د اسلامي ملکونو محافظ جوړ شوېدے، خارجه وزير زياته کړه چې پاک سعودي سيکيورټي ډيل نه صرف د دواړو ملکونو په ګټه کښې دے بلکې دا معاهده د منطقې لپاره هم ډيره مهمه ده او د سيمې نور ملکونه دې معاهده کښې د شامليدو وړانديز کړيدے دا به د ناټو په رنګ د دې منطقې د ملکونو اتفاق او اتحاد وي ۔
نورخبرونه