افغانستان کې انټرنیټ خدمتونه دوه ورځې پس بحال شول

تورخم: په  افغانستان کې سرچینو ځایی خلکو تاید کړې چې په جلال آباد ښار او یو شمیر نورو سیمو کې انټرنیټ سروس ۴۸ ساعتونو وروسته یو ځل بیا فعال شو، سرچینو ویلي  چې یواځې سلام شرکت چې د افغانستان شرکت دې، دوی ته اجازه ورکړل شوې چې خپل سروس بیا پیل کړي

  د بشپړ تفصیلاتو ترمخه افغانستان کې د دوو ورځو ځنډ وروسته د انټرنټ خدمتونه بېرته فعال شول، د افغانستان اسلامي امارت لوړ پوړه چارواکو له لوري په هیواد کې لومړۍ فایبر انټرنیټ او بیا د موبایل نیټ ورک او انټرنیټ هم بند کړې شوې وو. .

د افغان رسنیو د راپورونو له مخې، ټول ټيلي کمیونیکیشن شبکې بېرته انټرنیټ او د اړیکو خدمتونه فعال کړي دي.

مقامي رسنیو ویلي چې د هېواد په کچه انټرنیټ او ټيلي کمیونیکیشن  ۴۸ ساعتونو لپاره بند پاتې شول ، د افغانستان اسلامي امارت په دې اړه کوم پیغام نه دې خپور کړې .

      افغانستان کې د انټرنیټ تړل او د افغان چارواکو دریځ

بل لور ته، د امريکايي رسنيو د راپور له مخې د افغانستان د حکومت وياند ذبيح الله مجاهد په یوه پیغام کې ویلي چې په افغانستان کې د انټرنیټ د بندېدو خبرونه سم نه دي، دا مهال تخنیکي ډلې د فایبر آپټيک کیبلونو د ترمیم کار کوي.

هغه د پاکستاني خبريالانو یوې ډلې ته هم ویلي چې د فایبر آپټيک کیبلونه ډېر زاړه شوي وو او اوس د هغو د ترمیم چارې روانې دي.

افغان وزیراعظم امر وکړو او انټرنیټ بحال  شو

په بي بي سي خپور د یو راپور ترمخه د افغانستان اسلامي امارت حکومت وزیراعظم له یو امر ترمخه په افغانستان کې د انټرنیټ سروس بیا بحال شو.

د بنديز اغېز

د طالبانو د حکومت له لوري د انټرنټ د بندېدو تر راپورونو وروسته د هېواد دننه او بهر اړیکې سخت زیانمنې شوې.

مهم خدمتونه لکه بانکدارۍ او آنلاین زده کړې ډېر اغېزمن شول.

د کابل مرکزي هوايي ډګر هم په بشپړ ډول بند شو او ویل کېږي چې تر پنجشنبې پورې به هېڅ الوتنه ترسره نه شي

په تورخم پوله کاروبار هم بد اغیزمن شوې وو

په پاک افغان پوله تورخم کاروباري فعالیتونوه هم بد اغیزمن شوې وو، په تورخم کې یوې باوري سرچینې رسنیو ته وویل چې د افغانستان اسلامی امارت د ګمرک چارواکو وس د تجارتي توکو تفصیل آن لاین نه بلکې په خپله خوښه په کتابچو کې لیکي او ددوی خوښه ده چې دوی ددې تجارتي توکو د مالیه په اړه څومره ټیکس اخلي. ځایی اولس او سوداګرو بیا بیا غوښتنه کړې وه چې په افغانستان کې دې انټرنیټ خدمتونو بیا بحال شی ځکه نن سبا د ژوند په هرمیدان کې انټرنیټ کارولې شی او چې انټرنیټ نه وي نو بیا د ژوند هر یو میدان بداغیزمن کیږي.

نورخبرونه

په زنانؤ بنديزونو په اړه دولتي تګ لاره د شريعت مطابق ده دې کښې د چا دخل نه منو، ذبيح الله مجاهد

افغانستان او پاکستان باید له خبرو اترو لارې شخړې هوارې کړي: ذبیح الله مجاه