د خیبرپښتونخوا د کرک ضلعې پوليسو مشر شهباز الهي رسنيو ته وئيلي دي چې درشه خيل کلي کښې د کالعدم ټي ټي پي د وسله والو موجودګۍ په اطلاع سيکيورټي فورسز عمليات پيل کړيدي،د لټوني آپريشن په مهال د سيکيورټي فورسز او د ترهه ګرو ترمينځ ډزو تبادله شويده چې پکښې ۱۸ شرخوښي وژلي شويدي ۔ د پوليسو مشر وينا ترمخه دې عملياتو دوران درې سيکيورټي اهلکار ژوبل شويدي ۔ علاقه د شرخوښو څخه صفا کولو لپاره درشه خيل او خواؤ شا سيمو کښې سيکيورټي فورسز لټوني عمليات پيل کړيدي ،د وژل شوي ترهه ګرو مړې د شناخت لپاره شهاب خيل هيډ کوارټر ته منتقل کړي شويدي،مقامي ذرائع وائي چې وژلي شوي ترهه ګرو کښې افغاني وګړي هم شامل دے ۔ د امنيتي ځواکونو د آپريشن لوجې د کرک ضلعې انتظاميې د ماسپخين دوه بجو پورې علاقه کښې کرفيو لګولي وه، خلکو ته د کورونو نه بهر وتلو اجازه نه وه
د خېبرپښتونخوا نور برخو کښې هم عمليات جاري کرک کښې د کالعدم تنظيم ترهه ګرو په ضد دا کاميابه کارروائي په داسې مهال شوې چې د زيارت په ورځ ناوخته سيکيورټي فورسز په ډيره اسماعيل خان کښې هم د هند مرستيال ترهه ګرو خلاف کارروائي کړي وه او د ټي ټي پي ديارلس ترهه ګر ئې وژلې وو۔ بلخوا د باجوړ د ماموند تحصيل په لغړۍ کلي کښې د نامعلومه ځائې څخه داغلې شوي مارټر ګولې حمله کښې دوه ماشومان پحق رسيدلي دي او پنځه نور کسان ژوبل شويدي ياده دي وي چې دلغړۍ بشمول د ماموند تحصيل په بيله بيلو کلو کښې سيکيورټي فورسز د جولائۍ مياشتې ديرشمه نيټه باندې د کالعدم تنظيم د جنګيالو خلاف آپريشن شورو کړې وو چې پکښې د ديرش نه سيوا ترهه ګر وژلي شويدي،د پوځي عملياتو نه پس زياتره کلي د شرخوښو څخه صفا کولو نه پس دې سيمو نه نورو علاقو ته کډه کونکي کسان خپل کورونو ته واپس راغلي دي ۔ د دې نه مخکښې هم وخت په وخت په کورونو مارټر ګوله غورځيدو واقعات رامخي ته شويدي چې پکښې بے ګناه ماشومان او ښځینه ژوند له لاسه ورکړې دې
