د افغانستان د اسلامي امارت ویاند مولوي ذبیحالله مجاهد د العربیه ټلویزیون سره په یوه مرکه کې د امریکا د ولسمشر وروستیو څرګندونو ته په ځواب کې ویلي دي چې امریکا باید له افغانانو سره د سیاسي، دیپلوماتیکو او معقولو لارو چارو له مخې اړیکې وساتي.
هغه په ډاګه کړه چې افغانان به په خپل هېواد کې د بهرنیو ځواکونو شتون ونه مني او خبرداری یې ورکړ چې زیانمن اقدامات حتمي ناوړه پایلې لري.
“د اسلامي امارت حکومت ویاند اوویل چې د امریکا د شل کلن یرغل پر مهال افغانستان په دوامداره توګه کړاوونه زغمل. اوس یرغل پای ته رسېدلی دی. افغانستان نور د بهرني کنټرول ځای نه دی، زیاته ی کړه او ټینګار ی وکړو چې دا هېواد د سیاسي تعامل او معقول تعامل حق لري، څو خلک یې په خپلو پښو ودریږي.
د افغانستان د بهرنیو اړیکو په اړه هغه د متوازن دریځ یادونه وکړه او وی ویل چې افغانستان له چین سره د بې طرفه او متوازن بهرنۍ تګلارې پر بنسټ اړیکې لري او له امریکا سره هم د ښو اړیکو غوشتنه کوي. مونږ به هیڅکله خپل هیواد د سیالیو ډګر ته پرې نه ږدو.
د بګرام هوايي اډې په اړه ښاغلي مجاهد بیا ټینګار وکړ
“بګرام د افغانستان برخه ده او هېچا ته نه ورکول کېږي. افغانستان د بېطرفه بهرنۍ تګلارې ژمن دی، له ټولو ستر قدرتونو سره د متوازنو اړیکو غوښتونکی دی، او د بهرني رقابت لپاره به خپله حاکمیت هېڅکله قرباني نه کړي.”
هغه زیاته کړه چې د بګرام په اړه د امریکا وروستۍ څرګندونې ناسمي دي، او دا یې په ډاګه کړه چې اسلامي امارت په خپلواک ډول له خپلې خاورې سره چلند کوي او افغانستان په بشپړ ډول خپلواکه حاکمیت لري .
نورخبرونه
افغانستان او پاکستان باید له خبرو اترو لارې شخړې هوارې کړي: ذبیح الله مجاهد