ضلع خیبر: نن د چهارشنبې په ورځ د خیبر پښتونخوا وزیراعلی علي امین ګڼدا پور د وادي تیراه غمجنې پیښې په ضد د مظاهر کوونکو سره خبرو اترو لپاره د ضلع خیبر تحصیل باړه ته راغلو او په وادي تیراه اکاخیل سیمه کې بدې پیښې په ضد احتجاج کوونکو سره لیدنه وکړه.
وزیراعلی د ملک ظاهرشاه افریدي په حجره کې د وادي تیراه متاثره کورنیو سره تعذیت وکړو او دوی سره بشپړه خواشینې څرګنده کړه.
په دې موقع وزیراعلی اغیزمنو کورنیو مشرانو سره بشپړه ژمنه وکړه او ډاډ ی ورکړه چې د متاثره کورنیو سره چې د کومې مالي مرستې اعلان شوې هغه به پوره پوره دې کورنیو ته ورکولې شي، په دې موقع ګنډا پور شهید شوو کسانو ته د ترهګرو نوم اخستلو هم په سختو ټکو کې غندنه وکړه او له دوی ی اوغوښتل چې دوی د مشرانو یوه جرګه،کمیټي جوړه کړې چې د لوړ پوړه پوځي مشرانو سره خبرې اترې وکړي.
وزیراعلی سره په دې موقع چیف سیکرټري شهاب علي شاه، کمشنر پیښور، صوبایی وزیر سهیل افریدي ، ایم این اې اقبال افریدي ، باړه سیاسي اتحاد مشرهاشم خان ، پخوانۍ ایم پي اې شفیق افریدي او نور مخور سیاسي او غیر سیاسي مشرانو او مظاهر کوونکي هم موجود وو. د وزیراعلی په مشور مشرانو ، وروسته یوه ګډه کمیټي جوړه کړې او ددې کمیټۍ مشرانو بیا وروسته پیښور ته روان شول چې د وادي تیراه پیښې په اړه د نورو خبرو اترو لپاره آیی جي ایف سي سره مهمه لیدنه وکړي.
نورخبرونه
د ضلع خیبر په وادي تیراه کې د وسله والو په ټریننګ مرکز کې چاودنه