پاکستان تحریک انصاف د پاکستان او سعودي عربستان ترمینځ لوی دفاعي تړون، ستراتیژیک متقابل دفاع تړون لاسلیک په درنو ټکو کې هرکلې کړې دې او دا تړون ی یو لوی پرمختګ ګرځولې دې، پي ټي آیی دا تړون د دواړو وررو مسلمان دوست هیوادونو ترمینځ د تاریخي اړیکو په لار کي یو ستر پرمختګ بللې دې او ویلي ی دې چې د پاکستان او سعودي عربستان هیوادونو تل د ورورولې او د ګډو ستراتیژیکو ګټو او اوږد مهاله همکاریو ولاړ دي. .
د پي ټي آیی ترمخه دا دفاعي تړون به د دواړو هېوادونو ترمنځ د همکارۍ پیاوړتیا کې نه یوازې دوه اړخیزو اړیکو ته ګټه ورسوي، بلکې د سیمې پر سولې او ثبات به هم مثبت اغېز ولري.
د عمران خان لیدلوری
د اعلامیې له مخې، د ګوند مشر عمران خان تل غوښتل چې پاکستان داسې هېواد وي چې اسلامي نړۍ سره یو ځای کړي، د ملتونو ترمنځ همکاري زیاته کړي او د سولې امکانات پیاوړي کړي. په همدې لړ کې، له سعودي عرب سره پراخېدونکې شراکت د اسلامي اتحاد او ګډ امنیت لپاره مهم ګام بلل شوی دی.
په بیان کې ټینګار شوی چې د هر مسلمان او په ځانګړي ډول د هر پاکستانی لپاره د حرمین شریفین درناوی او ساتنه د ایمان برخه ده.
ولس ته د معلوماتو ورکولو اړتیا
پي ټي ایی زیاته کړې چې ددې تړون نور جزیات دې هم اولس سره شریک ړي څو د ولس اعتماد او پوهاوې زیات شي.
د سعودي ملاتړ مننه تحریک انصاف د پاکستاني ولس لپاره د سعودي عرب د دوامدار ملاتړ مننه وکړه او څرګنده یې کړه چې د دواړو هېوادونو ترمنځ پراخېدونکې همکاري به نه یوازې د پاکستان او سعودي عرب لپاره ګټوره وي، بلکې د سیمې او د نړۍ د سولې، ثبات او هوساینې لپاره به هم په ګټه تمام شي.
نورخبرونه
لندن ته د شهباز شریف سفر: پاکستان تحریک انصاف د مظاهره کولو اعلان