کابل: د بنګلهدېش د دیني عالمانو یو لوړپوړی پلاوی کابل ته راغلی دی، څو د حقیقت موندنې ماموریت او د افغان مشرانو سره د لوړپوړو لیدنو کتنو لړۍ ترسره کړي. .
یاد پلاوی چې پکې نامتو دیني عالمان لکه مولوي مامونالحق او مفتي مولوي منیر حسین قاسمي شامل دي، د چهارشنبې په ورځ (د سپتمبر ۱۷مه) کابل ته رارسیدلې دې.
یاد پلاوې د انګلستان میشت یو غیردولتي ادارې :خوشحال افغانستان په نوښت او تنظیم ترسره شوي چې موخه د دوداړو مسلمان اکثریت لرونکي هیوادونو ترمینځ یو بل ته رانزدې کیدل دي.
پلاوی به د سوداګرۍ، روغتیا او تعلیم په برخو کې د همکاریو د پراخېدو لارې ولټوي، په ځانګړې توګه د هغې نیکې ارادې پر بنسټ چې بنګلهدېش د ختیځ افغانستان وروستي زلزلې وروسته د بشري مرستو په بڼه وښودله . .
د اسلامي امارت سره نیغ په نیغه تعامل
رئیس فیصل احمد وویل چې دا د بنګلهدېشي عالمانو لومړنی ښکاره پلاوی دی چې د حقیقت موندنې په موخه د اسلامي امارت له مشرانو سره مستقیمې لیدنې کوي.
ده زیاته کړه: “سوداګري محدوده ده، دپلوماتیک حضور هم ډېر لږ دی، سره له دې چې دواړه هېوادونه په یوه سیمه کې پراته دي او د دیني او کلتوري اړیکو ګډ میراث لري.”
فیصل احمد ټینګار وکړ چې دا سفر د دودیزې سیاسي ډیپلوماسۍ پر ځای د متقابلو ګټو او شخصي اړیکو پر بنسټ پر مخ وړل کېږي.
طالبان د عملي تعامل هرکلی کوي
د اسلامي امارت یو لوړپوړي وزیر او د مرحوم ملا محمد عمر ورور، ملا عبدالمنان، د پلاوي په راتګ خوښي څرګنده کړه.
هغه وویل: “د زړه له کومي خپله خوښي څرګندوم چې ستاسو پلاوی په افغانستان ته راغلې دې. ده زیاته کړه چې هیله لري دا سفر د دواړو هېوادونو ترمنځ د لا پیاوړو اړیکو د پیل لاره هواره کړي.
د پلاوي په ترکیب کې نور دیني عالمان لکه مولوي عبدالحمید، مولوي عبدالاوال او مولوي عبدالحق هم شامل دي. دوی به په ځانګړې توګه د تعلیم او کرنې په برخو کې د همکاریو د پراختیا لپاره د نظرونو تبادله وکړي.
نورخبرونه