دوبئۍ کرکټ سټيډيم باندې د کرکټ د ميدان د ټولو لويه مقابله د دوه روايتي حريفانو پاکستان او هند ترمينځ شوي وه کوم که چې هندوستان په اووه وکټو سره پاکستان له شکست ورکړې وو۔ د پاکستاني ټيم کپتان سلمان آغا ټاس ګټلو وروستو اول بيټنګ کړي وو ولې د مخالف ټيم د باولرانو د غوره کارکردګۍ په وړاندې د پاکستان يو هم بيټسمين ښه لوبه وړاندې کولو او هند ته لوئي هدف ورکولو کښې ناکامه شوي وو، پاکستاني ټيم په ټاکلي شوي ۲۰ اورونو کښې د نهه لوبغاړو په زيان ۱۲۷ رنز جوړ کړي وو۔ د هندوستان کلديب يادو د پاکستان درې لوبغاړي آؤټ کړي وو،جسپرټ بمرا او پټيل په دې ميچ کښې دوه دوه وکټې اخستې وې، يو وکټ پنډے او بله وکټ چکر ورتي ترلاسه کړي وه ۔ د پاکستان له لوري صاحبزاده فرحان څلويښت رنز جوړ کړي وو، شاهين آفريدي جارحانه او تيز بيټنګ کړي وو او په شپاړس بالونو ئې دري ديرش رنز جوړ کړي وو چې پکښې څلور چهکې شامل وې دغه رنګ فخر زمان اوولس رنزونه جوړولو کښې کامياب شوي وو۔ مخالف حريف ته د ميچ د ګټې لپاره د کم رنزونو ټارګټ ورکولو نه پس طمع څرګنديده چې د پاکستاني ټيم سپينر باولران به ميچ د پاکستان په حق کښې راوګرځوي خو د بيټسمينانوپه رنګ باولرانو هم غوره کارکردګي نه وه وړاندې کړے او هندوستاني ټيم ښه په آسانۍ سره دا ميچ په اووه وکټو ګټلې دے ۔ د هند لخوا کپتان سوريا کمار يادو ۴۷ ، ابهيشک شرما ۳۱ او تلک ورما هم ۳۱ رنزونه جوړ کړي وو ۔ د هندوستان درې واړه بيټسمينان صائم ايوب آؤټ کړي وو۔ د غوره کارکردګۍ په بنياد کلديپ يادو ته د ميچ د ښه لوبغاړي ايوارډ ورکړي شوېدے ۔ دا ميچ په مجموعي توګه د دې ټورنمنټ شپږم ميچ وو۔ پوائنټ ټيبل په لحاظ په ګروپ اے کښې هندوستان د څلور پوائنټونو سره په اول نمبر دے،د پاکستاني ټيم دوه پوائنټونه دي او په دوئم نمبر دے، په ګروپ بي کښې افغانستان ټيم په اول نمبر او سري لنکا ټيم په دوئم نمبر دے ۔ پاکستاني کرکټ ټيم به خپل دريم ميچ د شورو په ورځ د متحده عرب امارات خلاف لوبوي