پيښور: د ترهګرو په ضد د پاکستان سیکوریټي ځواکونو په عملیاتو کې د باجوړ، مومند او لاندې دير کې وژل شوي جنګيالو مړي افغانستان ته وسپارل شول.
امنیتي سرچیني وايي چې په باجوړ، مومند او لاندې دير کې وژل شوي د تحريک طالبان پاکستان (ټي ټي پي) د جنګيالو مړي افغان چارواکو ته سپارل شوي دي.
سرچينې زیاتوي چې د وژل شوو ترمنځ څو مهم قوماندانان هم شامل وو، چې مړي یې د سرحد هغې غاړې ته ولېږدول شول. تر ټولو لوی نوم د ټي ټي پي د سياسي کمېشن مشر مولوي فقير باجوړي زوی، مولوي فريد منصور دی، چې په باجوړ کې وژل شوی و. د هغه مړی هم له نورو جنګيالو سره افغانستان ته انتقال شو.
سربېره پر دې، د کمانډر وزير په ګډون ګڼ افغان جنګيالي هم وژل شوي، چې په باجوړ، مومند او لاندې دير کې په بېلابېلو عملياتو کې په نښه شوي وو. د سيمهييزو چارواکو په وينا، په وژل شوو کې څو هغه افغان وګړي هم شامل دي چې له سرحده دې غاړې ته په ترهګريزو بريدونو کې ښکېل وو.
د مړو سپارل د افغان چارواکو سره په رسمي کچه ترسره شوي او د جنګیالو مړي خاورو ته سپارلو لپاره افغانستان ته انتقال شوي دي. چارواکي دا کار د سرحدي همکارۍ او د وروستيو عملياتو يوه مهمه لاسته راوړنه بولي.
شهید شوې ایف سي اهلکار خیبر کې خاورو ته وسپارل شو
په دیر کې د ترهګرو سره په جهګړه کې د ضلع خیبر جمرود تحصیل اوسیدونکې د ایف سي اهلکار هم نن جمرود کې خاورو ته وسپارل شو. د خایی سرچینو ترمخه د جمرود ورمنډو میله اوسیدونکې عبدالمالک دیر کې د ترهګرو په ضد نښته کې شهید شوې وو او په خپله پلرنۍ ادیره کې خاورو ته وسپارل شو.
مهمه ده چې باید یادونه وشی چې د شهید شوی اهلکار په جنازه کې ځایی انتظامیه مشرانو ، د ایف سي ځواک مشرانو او په ګنړ شمیر کې ځایی قبایلي مشرانو ګډون وکړو، د شهید شوي اهلکار قبر باندې د ګلونو ګیډۍ کیښودل شوې او شهید ته د چمتو ایف سي اهلکارو لوري سلامي هم وړاندې شوه.
خیبر پښتونخوا کې زرګونه ترهګر شتون لری: امنیتي سرچینې
د خیبر پښتونخوا امنیتي سرچینو ویلي دي چې په صوبه کې تر ۸۰۰۰ پورې د ناقانونه ګرځول شوې ډلې ټي ټي پي وسله وال شتون لري او دا جنګیالي په عامه آبادۍ کې پټ شوي دي او په سیکوریټي ځواکونو بریدونه کوي.
سرچینو تاید کړې چې په ضلع خیبر او باجوړ ضلعو کې زیات جنګیالي شتون لري.
نور خبرونه
د پاکستان تحریک انصاف بندي مشر عمران خان دریځ صوبه او وفاق جنګوي
د بارډر بل اړخ څخه ترهګري او په ملګري ملتونو کې د پاکستان دریځ
