د خيبر پښتونخوا وزير علي امين ګنډاپور بیګا د پاکستان په پلازمینه اسلاماباد کې د افغانستان سفارتخانې ته ورغلې، افغان سفير سردار احمد شکيب سره يې لیدنه کړې ، په دې موقع وزيراعلی سره د اطلاعاتو سلاکار بېرېسټر محمد علي سيف او د قامي اسمبلۍ غړی فيصل امين ګنډاپور هم وو. .
نوموړي د افغانستان په وروستي زلزله کې د قېمتي انساني ژوند د ضياع له کبله خپله ژوره خواشيني څرګنده کړه، د شهيدانو د مغفرت لپاره يې فاتحه او دعا وکړه او زياته يې کړه چې د خيبر پښتونخوا حکومت او ولس د افغان وروڼو او خوېندو د غم په دې سختو شېبو کې ورسره ولاړ دي. نوموړي ډاډ ورکړ چې صوبايي حکومت به له اغېزمنو سره د مرستې لپاره هره ممکنه هڅه کوي.
په دې موقع افغان سفير سردار احمد شکيب د خيبر پښتونخوا حکومت د مرستې او خواخوږۍ ستاينه وکړه او ويې ويل چې اسلامي امارت افغانستان، افغان ولس او د خيبر پښتونخوا حکومت څخه دوی سره د خواشینې څرګندونې لپاره مننه کوي..
په لیدنه کې د دواړو لورو تر منځ د ګډو ګټو موضوعات، سيمهييز امن، سوداګريزې رابطې او بېرته ستنېدونکو افغان وګړو ستونزې وڅېړل شوې. اعلى وزير څرګنده کړه چې د سيمې د دايمي سولې لپاره خبرې اترې او د سوداګرۍ پراختيا اړينه ده. نوموړي زياته کړه چې د ترهګرۍ د ختمېدو لپاره د روزګار زمينې برابرول مهم دي او د دواړو هېوادونو تر منځ د سوداګرۍ پراختيا د ولسونو لپاره ښه اقتصادي فرصتونه رامنځته کوي ، وزیراعلی ګنډا پور افغان چاوراکو ته اوویل چې وفاقي حکومت له افغانستان سره د خبرو اترو په اړه مثبت غبرګون ښودلې دې او دا ستونزه ی وفاقي حکومت سره څیړلې ده او په غبرګون کې ورله صوبایی حکومت بشپړه ډاډ ورکړې دې. .
اعلى وزير وويل چې د خيبر پښتونخوا حکومت بېرته ستنېدونکو افغان کډوالو ته هر ډول اسانتياوې برابروي او د وفاقي ادارو تر کچې تړلې مسئلې يې هم له اړوندو ادارو سره شريکې کړي دي. نوموړي ډاډ ورکړ چې صوبايي حکومت به د دغو ستونزو د هوارولو لپاره هر اړخيزه مرسته کوي.
نورخبرونه
