اسلاماباد: د ترکيې د دفاع وزير يشار ګولر د درې ورځني رسمي سفر په ترڅ کې پاکستان ته راغی او د پاکستان ـ ترکيې ګډ وزارتي کمېسيون د شپاړسمې ناستې مشري يې وکړه. ددې درې ورځني سفر پر مهال دواړو هېوادونو د خپلو دوه اړخيزو اړيکو د لا پياوړتيا پر سر سلا او ژمنه وکړه . .
د پاکستان د بهرنيو چارو وزارت د خبر له مخې، يشار ګولر د خپل سفر پر مهال د پاکستان له وزيراعظم شهباز شريف، د دفاع وزير خواجه محمد آصف او د پوځ له مشر فيلډ مارشال سيد عاصم منير سره جلا جلا ليدنې وکړې.
د وزيراعظم سره ليدنه
وزيراعظم شهباز شريف د ترکيې د دفاع وزير او د هغه د پلاوي غړو تود هرکلی وکړ او د دواړو هېوادونو تر منځ د تاريخي او ورورګلوي اړيکو يادونه يې وکړه. نوموړي د اړيکو مثبت بهير وستايه او د سوداګرۍ، پانګونې، ټکنالوژۍ او دفاع په ګډون بېلابېلو برخو کې د لا همکارۍ ژمنه وکړه.
وزيراعظم د دواړو هېوادونو تر منځ د سوداګرۍ کچې د پنځه ميليارده امريکايي ډالرو ګډ هدف ته د رسېدو پر اړتيا ټينګار هم وکړ. هغه د پاکستان پانګهوالو دوست پاليسيو ته په اشارې سره د ترکيې شرکتونه وهڅول چې په پاکستان کې خپلې پانګونې نوره هم پراخه کړي.
نوموړي په ځانګړي ډول د چين په وروستۍ ناسته کې د ایس سي او د مشرانو د غونډې پر مهال د ولسمشر رجت طیب اردوغان سره خپلې خبرې یادې کړط او وې ویل چې پاکستان د رهبرۍ له کچې تر نورو ټولو کچو پورې د دوامدارو تماسونو له لارې د دواړو هیوادونو اړیکې نورې هم پیاوړې کول غواړي.
ګډ وزارتي کمېسيون
د پاکستان ـ ترکيې شپاړسم ګډ وزارتي کمېسيون غونډه د پاکستان د سوداګرۍ وزير جام کمال خان او د ترکيې د دفاع وزير يشار ګولر په ګډه مشري ترسره کړه.
په غونډه کې د ستراتيژيک همکارۍ د عالي شورا د اجنډا پرمختګ وڅېړل شو او په ځانګړي ډول د سوداګرۍ، پانګونې، د درمل جوړونې صنعت، معلوماتي ټکنالوژۍ، ايکامرس، ټرانسپورټ، انرژۍ، ښوونې، کانونو، کرنې، رسنيو او ګرځندوی په برخو کې د همکارۍ د پراخولو پرېکړې وشوې.
نورې ليدنې او ژمنې
د يشار ګولر او د پاکستان د دفاع وزير خواجه آصف او پوځ د مشر سيد عاصم منير تر منځ په جلا ليدنو کې دواړو لوريو د ستراتيژيک او دفاعي همکارۍ د لا پياوړتيا
نور خبرونه
شهباز شریف به په مهمه دوره چین ته سفر وکړي
