شمالی وزیرستان: د قبایلي ضلعې په شمالي وزیرستان دته خیل ، خرشین او دوګا ماچه سیمو کې د امنیتي ځواکونو عملیات، اته ترهګر وژل شوي
د دته خیل په خرشین او دوګا ماچه سیمو کې د روانو پوځي عملیاتو پر مهال د پاکستان امنیتي ځواکونو اته وسله وال وژلي دي. دغه عملیات د هېواد د ترهګرۍ د ختمولو د روانې ستراتیژۍ برخه دي. .
امنیتي سرچینې وایی چې اوسنۍ اپریشن تر ۳۰، ۳۵ هغه ترهګرو په ضد دوام لري چې ویل کیږي دا د بدري ګروپ او جیش مهدي ګروپ سره تړاو لري.
چارواکي وایي پاتې وسله وال ځانونه د سیمهيیزو کورونو تر شا پټوي او د ملکي خلکو څخه د انساني ډال په توګه کار اخلي، څو د هوايي بریدونو او ډرونونو څخه وژغورل شي، چې د هغوی موندل ستونزمن کړي دي. .
وژل شوو ترهګرو کې مهم کسان وو په وژل شوو کې درې تنه د پام وړ مهم غړي دي، حمیدالله ملقب ګوډ چې د چاودیدونکو مواد جوړولو ماهر وو، د هغه وژل کیدل د ترهګرو لپاره یو ستر زیان بلل کیږي، نورمحمد د افغانستان اوسیدونکې ،دا ترهګر د کواد کوپټر د بمونو کارولو ماهر ، عمر چې د کال ۲۰۰۹ راهیسي د ټي ټي پي غړې وو او فعال وو هم منځه وړل شوې دې.
د شخړې شالید
شمالي وزیرستان له کلونو راهیسې د ترهګرو ډلو د پټنځای په توګه کارېدلی، په ځانګړې توګه د تحریک طالبان پاکستان او د حقاني شبکې لپاره ی پټ ځای ورکړې. په دې سیمه کې د کلونو په اوږدو کې ستر پوځي عملیات شوي، لکه ضرب عضب او رد الفساد، چې د وسله والو د ځپلو او د هغوی د مرکزونو د ویجاړولو په برخه کې اغېزناک تمام شوي دي. سره له دې، د ځینو ترهګرو د تېښتې یا د افغانستان بل لور ته د تګ له امله سیمه بیا ځلې د بریدونو ښکار شوې ده. اوسني عملیات څرګندوي چې چارواکي د پاتې وسله والو د له منځه وړلو لپاره پرلپسې هڅې کوي، څو سیمه په بشپړه توګه خوندي کړي