په پاکستان کې نن د هند سره د کال ۱۹۶۵ جګړې په تړاو کې ۷ اووم سپتمبر د پاکستان فضایه ورځ په توګه نمانځل کیږي، دې ورځ په تړاو سره د پاکستان وزیراعظم شهباز شریف لوري د پاکستان فضایی ځواک ستاینه شوې او ددوی په نامه ی یو ځانګړې پیغام جار کړې دې.
وزیراعظم شهباز شریف د فضايي ځواک د ورځې په مناسبت خپل ځانګړي پيغام کې د پاکستان فضايي ځواک ته د ویاړ او درناوي څرګندونې وکړې. هغه وویل: موږ په دې ویاړ کوو چې فضايي ځواک په هوايي جګړه کې خپل مقام ثابت کړی دی. د فضايي ځواک نه ماتېدونکې څو اړخیزه جګړهیزه وړتیاوې د هغوی د نوښت او پرمختګ څرګندونه کوي – وزیراعظم شهباز شریف ټینګار وکړ چې فضايي ځواک ثابته کړې چې دښمن هېڅکله د ايمان او جذبې ماتولو توان نه لري.
اپریشن بنیان المرصوص د کال ۱۹۶۵ جګړې یاد تازه کړو
وزیراعظم همدارنګه وویل چې فضايي ځواک د “بنيان المرصوص” په معرکه کې پرېکړهکونکی رول لوبولی او دښمن یې په بشپړ ډول مات کړ، چې نړۍ پرې حیرانه پاتې شوه او نړۍ اومنله چې د پاکستان هوایی ځواک نه ماتیدونکې دې. .
یادونه ده چې نن د پاک فضايي ځواک د شهيد پيلوټ افسر راشد منهاس (نشان حیدر) ته هم ځانګړې درناوې او ددې پیلوټ د بهادرۍ او زړورتیا ته د مینې ډکې پیرزوینې وړاندې کولې شي.
د ۱۹۶۵ د جګړې د هوايي معرکې د ياد په تړاو کې نن په ټول هېواد کې د هوايي ځواک ورځ نمانځل کېږي ترڅو د پاکستان د هوایی ځواک او د هوایی ځواک پایلټانو ته ددوی د هند په ضد جنګ کې بریا او ددوی قربانۍ وستایل شي.
د ۱۹۶۵ د جګړې د سپتمبر په اوومه نېټه د پاکستان هوايي ځواک بازانو د مېړانې او زړورتيا داسې تاريخ ولیکل چې په نړۍ کې به د تل لپاره به يادېږي. د فضايي ځواک زړورو د دښمن ناپاکې ارادې شنډې کړې اود پاکستان نوم ی په ټوله نړۍ کې روښانه کړو. په داسې ځوانانو پاکستاني قوم ویاړ کوي او ددوی قربانۍ به تل په داسې ورځو کې یادولې شي. .
دلته باید یادونه وشی چې دا هغه نه هېریدونکی ورځ ده چې د پاک فضايي ځواک د زړورو او د زمري په څیر زړونو او قوت لرونکو ځوانانو د مهارت او سرښندنې له برکته پاکستان د ۱۹۶۵ د پاک هند جګړه کې بريا خپله کړه. . په همدې جګړه کې د سکواډرن لیډر ایم ایم عالم مېړانې داسې باب پرانیست چې د نړۍ په تاریخ کې بې ساری ګڼل کېږي. نوموړي په یوازې ځان د هند پنځه جنګي الوتکې په یوه دقیقه کې راوغورځولې. دا کارنامې د پاک فضايي ځواک په تاریخ کې د سرو زرو باب ګڼل کېږي او تر معجزې پورې ورته نوم ورکول کېږي او تر ننه پورې ی د پاکستان قوم یاد ساتي.