د خالصتان تحریک د عمومي منشي ګرپتونت سنګه پنو څرګندونې مخې ته راغلي دی، هغه ویلي دي چې د هند ا پاکستان ۱۹۶۵ جګړه د سکهانو لپاره د حوصلې مثال دې.
د خالصتان تحریک عمومي منشي ګرپتونت سنګه پنو په خپل وروستي بیان کې ویلي چې د سکهانو ملت باید د خپل هدف د ترلاسه کولو لپاره هماغسې په عزم او حوصله ودریږي لکه څنګه چې پاکستان په ۱۹۶۵ جګړه کې د هند یرغل ته ودرېد او هند ته ی ماتې ورکړه. .
هغه وویل پاکستان، که څه هم یو کوچنی هېواد و، د ځان نه پنځه چنده لوی هند پر وړاندې ودرېد. د هغه سرچینې محدودې وې، خو ایمان، غیرت او جرأت یې بېحده وو. نن موږ ته هم د همدې جذبې اړتیا ده څو د خپلې آزادۍ او حقونو لپاره د نړۍ پر وړاندې ودرېږو.
هغه اوویل چې په ۶ سپتمبر ۱۹۶۵ کې هند پر پاکستان برید وکړ، چې د نړۍ لویو قدرتونو او د هند مشرتابه باور درلود چې پاکستان به ډېر وخت مقاومت ونه شي کړای. خو د پاکستان پوځ، ولس او مشرتابه داسې دفاع وکړه چې دغه ورځ په تاریخ کې د یوم دفاع پاکستان په نوم ثبت شوه. د لاهور له محاذه تر سیالکوټ پورې د هند یرغل شنډ شو او دښمن پلانونه ناکامه شول.
د خالصتان تحریک مشرتابه له اوږدې مودې راهیسې د هند دننه د ظلمونو، مذهبي او سیاسي استحصال او د بشري حقونو د سرغړونو پر ضد غږ پورته کوي. په ځانګړي ډول د ۱۹۸۴ پېښو کې چې پر سکهانو دولتي جبر وشو، دا تحریک نور هم زیات کړو. په همدې کلونو کې پر ګوردوارو هم بریدونه وشول او د ټانکونو په وسیله وځپل شول. له دغو پېښو وروسته د سکهانو ملت د خپل آزاد وطن د جوړولو هوډ وکړ.
هغه اوویل چې د پاکستان تاریخي رول او قربانۍ د خالصتان رهبران د یوې بېلګې په توګه وړاندې کوي. له همدې امله د دې تحریک مشران په خپلو ډېرو ویناوو او بیانونو کې د پاکستان د جرأت یادونه کوي.
کارپوهان وایي، د خالصتان د مشر وروستۍ څرګندونې ښيي چې هغه تحریکونه چې د هند پر ضد غږ پورته کوي، پاکستان د حوصلې او عزم نښه ګڼي. د ۱۹۶۵ جګړې پیغام دا و چې اصلي ځواک په مادي سرچینو کې نه بلکې په اصلي ایمان، قربانۍ او لوړو حوصلو کې پټ دې.