اسلام آباد: اسلاماباد او بېجینګ اړیکې د نوې مرحلې پر لور روانې شوې دي. د “سی پیک 2.0” تر سیوري لاندې دواړو هېوادونو خپله د اوسپنې په څیر قوي دوستانه تازه کړه. د وزیر اعظم شهباز شریف د چین د سفر پر مهال مهم تړونونه او پروژې شوي دي چې د متقابل باور اړیکې یې لا پیاوړې کړې .
د سی پیک د لومړۍ مرحلې په ترڅ کې د بنسټیزو جوړښتونو او انرژۍ پروژې بریالۍ بشپړې شوې. اوس به سی پیک 2.0 په صنعتي پرمختګ، سوداګرۍ او سیمهییزو اړیکو تمرکز ولري. د چین وزیراعظم “لي کیانګ” د پنځو نویو دهلیزونو له لارې د همکارۍ ژمنه وکړه. په دغو کې کرنه، انرژي، صنعت، آی ټي او د سوداګرۍ لاجسټیک شامل دي. دغه نوی لید سی پیک د سیمې په کچه یو “ګیم چینجر” ګرځولی دی.
وزیر اعظم شهباز شریف د چین له مشرتابه سره د لیدنې پر مهال پانګونې ته بلنه ورکړه. هغه وویل چې د ګوادر بندر به د سیمهییزې سوداګرۍ مرکز وګرځول شي. د “ایم ایل ون” د رېل پټلۍ د پروژې د عاجل پیل او د قراقرم لویې لارې د بیا جوړولو پر اهمیت هم ټینګار وشو. دغه پروژې به یوازې د پاکستان اقتصاد ته نه، بلکې د ټولې سیمې د اړیکو او اقتصادي پرمختګ لپاره نوې لار هواره کړي.
په بېجینګ کې د “بي ټو بي” په کانفرنس کې له پنځه سوه زیات سوداګریز شخصیتونه برخه وال وو. په دې مهال د آی ټي، معدنیاتو، کرنې او ټیکسټایل په ګډون په بېلابېلو برخو کې د همکارۍ پر سر موافقه وشوه. دواړو هېوادونو د ۲۰۲۴ نه تر ۲۰۲۹ پورې د ګډ کاري پلان پر سند هم لاسلیک وکړ.
دلته مهمه ده چې باید یادونه وشی چې سی پیک 2.0 پاکستان ته د پرمختګ او خوشحالۍ نوې لارې پرانیستلي دي. دغه پروژه به نه یوازې اقتصادي ثبات راولي، بلکې د کارموندنې او پانګونې پراخ فرصتونه به هم برابر کړي.
د کارپوهانو په وینا، د سی پیک نوی پړاو ښايي د پاکستان د اقتصاد لپاره د نجات وسیله وګرځي چې له امله به ی هیوادوالو ته د کارروزګار نوي فرصتونه په لاس راشي او هیواد وال به یوې نوې ژوند پیل کړي.