پوليسواو سي سي ټي لخوا جاري شوي بيان کښې وئيلي شويدي چې کوئټه کښې شاهواني سټيډيم سره نزدې د بلوچستان نيشنل پارټۍ د جلسې نه پس بمي چاودنه شويده، پوليسو ترمخه خودکش چاودنه د ګاډو پارکنګ ايريا کښې هغه مهال شوي وه کله چې د جلسې د ختميدو نه پس خلک واپس روان وو، د بلوچستان وزير صحت بخت محمد کاکړ وينا ترمخه د چاودونې لوجې ۱۳ کسان پحق رسيدلي او ۳۱ نور ژوبل شويدي ۔ مړه او ژوبل کسانو کښې د بي اين پي کارکنان او د دې ګوند پخوانې ايم پي اے ميراحمد نواز شامل دي ۔ د بلوچستان نيشنل پارټۍ مشر اخترمينګل په ايکس پاڼه ورکړي شوي بيان کښې وئيلي دي چې هغه او نور سياسي مشران دې چاودنه نه بچ پاتې شوېدے ولې د پارټۍ ۱۵ کارکنان ئې شهيد شويدي ۔ پوليسو ترمخه ځانمرګي بريد ګر
د بي اين پي مشر اخترمينګل، محمود خان اچکزئۍ او د اے اين پي صوبائي صدر اصغر اچکزئۍ بشمول د نورو مشرانو د ګاډو سره نزدې چاودنه کړي وه ، حکومتي مشرانو د دې پيښې په سختو ټکو کښې غندنه کړېده، صوبائي وزير اعلي سرفراز بګتي د چاودنې نوټس اخستې او د دې معاملې انکوائرۍ لپاره ئې تحقيقاتي کميشن جوړ کړېدے ۔ دې جلسې کښې ګڼ شمير کسانو شرکت کړې وو چې ورته اخترمينګل،محمودخان اچکزئۍ او اصغراچکزئۍ هم وينا ګانې کړې وې ۔ د بلوچستان نيشنل پارټۍ نائب صدر ساجد ترين د چاودنې په ځائې کښې ميډيا سره خبرو په مهال وئيلي دي چې دا ځانمرګي بريد په سياسي مشرانو قاتلانه حمله وه بايد چې د دې تحقيقات اوشي او پيښه کښې ککړ کسانو ته دې سخته سزا ورکړې شي ۔ د مارچ مياشت په ۲۹ نيټه هم د بي اين پي په لانګ مارچ باندې خود کش چاودنه شوي وه ،د پارټۍ مشر اخترمينګل دې حمله کښې هم بچ پاتي شوي وو ۔
د بلوچستان امن خرابولو اجازت به چا له ورنه کړو، وزيراعظم
وزيراعظم شهباز شريف د بلوچستان نيشنل پارټۍ په جلسه د چاودنې غندنه کړې او پيښه کښې د قيمتي ځانونو په زيان ئې د افسوس اظهار کړې او د شهيدانو د لواحقينو سره ئې د خواخوږۍ اظهار کړېدے ۔ خپل بيان کښې وزيراعظم شهباز شريف د پيښې ذمه وار کسان په فوري توګه ګرفتارولو او ورته سخته سزا ورکولو هدايت کړيدے، وزيراعظم په بے ګناه کسانو د ترهه ګرو حملو دا قسمه حملې بزدلانه کارروائي ګرځولي ده،وئيلي ئي دي چې فتنه هند مرستيال ترهه ګر د بلوچستان امن او څوکالۍ سبوتاژ کول غواړي په سياسي جلسو حملې د دې ښکاره ثبوت دے ۔ وزيراعظم شهباز شريف زياته کړيده چې دا قسمه بريدونه ملک نه د ترهه ګرۍ ناسور د ختمولو لپاره د سيکيورټي فورسز او اولس حوصلې نشي کمزورې کولې د ترهه ګرو خلاف به عمليات جاري وي ۔