د جمعیت علماي اسلام یو مشر مفتي کفایت الله د تحریک طالبان پاکستان (ټي ټي پي) د بیانیې تکرار کړې دې او ترهګر يې “شهیدان” وبلل
نوموړي د ترهګرۍ ښکار شوو کسانو په اړه هم سپکه او توهینآمېزه ژبه وکاروله. د شنونکو په وینا دا دریځ نه يوازې د ریاستي قربانیو سپکاوی دی بلکې د شهیدانو د کورنیو پر زخمونو مالګه شیندل هم دي
د پښتون جرګې او پي ټي ايم دریځ
له دې څرګندونو سره سره، پښتون نیشنل جرګې ورته د څرګندونو لپاره پلیټفارم برابر کړ. وروسته هڅه وشوه چې دا څرګندونې د “شخصي نظر” په نوم پټې شي، خو دا په حقیقت کې د افراطي فکر د پردهپوشۍ هڅه ده. په همدې ډول، پي ټي ايم هم د کفایت الله ملاتړ وکړ او هڅه یې وکړه چې ترهګر د پښتنو د حقونو “ساتونکي” معرفي کړي، کوم چې د ریاست او ولس د قربانیو د خرابولو برابر دی
د علماوو څرګنده فتوی
دلته د یادونې وړه ده چې د پاکستان له ۱۸۰۰ زیات دیني عالمانو د پیغام پاکستان ترسرلیک لاندې فتوې ورکړي دي. په دې فتوو کې ټي ټي پي او نورې وسلې والې پاکستان ډلې غیراسلامي بلل شوي دي او د ریاست په ضد ی وسله راخستل بشپړه حرام ګرځولي دي
دلته دا هم باید یادونه وشي چې دغه فتوی د تندلارو بیانیې پر وړاندې یوه پیاوړې مذهبي او قانوني دېوال دی
د پښتنو ریښتیني حقونه
د پښتنو ریښتینې حقونه د سولې، زدهکړې او پرمختګ سره تړلي دي، کوم چې یوازې د پاکستان د اساسي قانون تر سیوري لاندې ترلاسه کېدای شي. د افراطي پروپاګند تکرار نه یوازې پښتانه بدناموي بلکې د ترهګرو لاسونه هم پیاوړي کوي. د ریاستي قربانیو او ولسي هیلو غوښتنه دا ده چې پښتانه مشران باید د ترهګرۍ پر ځای د سولې او پرمختګ بیانیه خپله کړي