پېښور: د افغانستان قونسل جنرال حافظ محب الله شاکر د خیبر پښتونخوا له چیف سېکرټري شهاب علي شاه سره نن په پیښور کې لیدنه کړې ده. په دې لیدنه کې د تورخم د سرحدي حالت او د افغان وګړو سره د ایف آی اې د چارواکو د سپکاوي چلند په اړه خبرې شوي دي
په لیدنه کښې چیف سېکرټرۍ افغان لوري ته ډاډ ورکړی چې د سرحدي تګ راتګ پر مهال به د افغان ښځو درناوی په هر صورت کې ساتل کېږي او هیڅ ډول ټیک ټاک ویډیوګانې یا د بېځایه فلمبردارۍ عملونه به نه پرېښودل کیږي
دلته باید یادونه وشي چې په دې ورستیو کې په سوشل میډیا یوه ویډیو خپره شوې ، په ویډیو کې یو اهلکار د افغان ښځینه وګړو پاسپورټونه د کړکۍ بهر ګوزاروي او دې ویډیو په سوشل میډیا د اهلکار په ضد د اولس غبرګونو را اوپارول
د اړوند ادارې اهلکار په ضد اړوند ادارې چارواکو قانوني ګام اخستې دې او له سرکاري اعلامیه وروسته ی له دندې لرې کړې دې او په تورخم کې ځایی اهلکارو ته لارښوونه شوې ده چې افغان مسافرو سره دې ښه چلند وکړې شی
دلته دا هم باید یادونه وشی چې څو ورځې وړاندې هم په شانګله کې پولیسو د یوې ښځینه سیلګرې سره یوه ویډیو خپره شوې وه چې پکې پولیس اهلکار د بهرهیواد ښځینه ته د واده کولو وړاندیز کړې وو، ورسته بیا دا پولیس اهلکار هم له دندې لرې کړې شول