د افغانستان د خوست او ننګرهار ولایتونو څخه د هوايي بریدونو او بېپیلوټه الوتکو د ګرځېدو راپورونه ورکړل شوي دي. ځایي سرچینې وايي چې د خوست په اسپالگین کلي کې د ملک نعیم په کور برید شوی، چې له امله یې دوه ماشومان وژل شوي او یو سړی او یوه ښځه ټپیان شوي دي
همداراز، د ننګرهار ولایت د شینوارو په ولسوالۍ په دوو بیلابیلو ځایونو کې بریدونه شوي، چې په یوه برید کې د شاهسوار زوی د عبداللطیف په کور توغندی لګېدلی، چې له امله یې یوه ښځه او یو ماشوم ټپیان شوي دي
د افغانستان موقتي حکومت سمدلاسه د دې پېښو پړه پر پاکستان واچوله، که څه هم تر اوسه یې کوم څرګند شواهد نه دي وړاندې کړي
تورونه او له واقعیتونو تېښته؟
دا لومړی ځل نه دی چې د افغانستان چارواکي د ورته پېښو مسؤلیت پر پاکستان اچوي. شنونکي وايي چې د افغانستان خاورې ته پنا وړونکي وسلهوالې ډلې لکه تحریک طالبان پاکستان
او د حافظ ګل بهادر ډله، نه یوازې د پاکستان لپاره، بلکې د افغانستان لپاره هم ستر ګواښونه دي. خو پر ځای د دې چې د دغو ډلو پر ضد اقدام وشي، د تورونو لړۍ او تبلیغاتي هڅې پر مخ وړل ۔کېږي
په خوست کې جرګه او د ترهګرو شتون
باوري سرچینې وايي چې د برید په شپه، د خوست په سیمه کې یوه جرګه روانه وه چې مشري یې د تحریک طالبان پاکستان مشر نورولی محسود او حافظ ګل بهادر کوله.
دا یو ژوندې ثبوت وړاندې کوي چې د افغانستان خاوره لا هم د رهګرو لپاره یوه خوندي پناه ځای پاتې ده، له کومه ځایه چې د پاکستان پر ضد پلانونه جوړېږي
د پاکستان دریځ او شواهد
پاکستان څو وارې دا ثبوتونه وړاندې کړي چې په وروستیو کلونو کې په پاکستان کې وژل شوي یا نیول شوي ګڼ شمېر ترهګر د افغانستان وو. یواځې د اګست په ۸مه، د ژوب په سیمه سمبازه کې د پاکستاني پوځ په عملیاتو کې ۶۱ ترهګر ووژل شول، چې له جملې یې ۵۳ د افغانستان اتباع وو.
پاکستاني چارواکي وایي چې د افغانستان حکومت باید د خپلې خاورې څخه د ترهګرو پر ضد جدي اقدام وکړي، پر ځای د دې چې د هرې پېښې مسؤلیت پر پاکستان واچوي
د نړیوالې ټولنې مسؤلیت
پاکستان پر نړیوالې ټولنې، په ځانګړي ډول پر ملګرو ملتونو او د بشري حقونو سازمانونو غږ کړی چې د افغانستان له حکومت څخه دې وغواړي څو خپله مسؤلیت ومني او د ترهګرو پر ضد اقدام وکړي، او د پاکستان پر ضد بېاساسه تبلیغاتي کمپاینونه بند کړي