په مقبوضه کشمیر کې پرلهپسې سختو بارانونو ویجاړي او زیانونه رامنځته کړې، د غرونو ښویدو له امله ۱۳ کسان وژل شوي دي
د هندي رسنیو د راپور له مخې، د نهې په ورځ د مقبوضه کشمیر په بېلابېلو سیمو کې د درېیمې ورځې لپاره هم سخت بارانونه دوام وکړل او یوازې په جموں کې له سهاره تر ماښامه (۸:۳۰ بجو څخه تر ۱۱:۳۰ بجو پورې) ۳۶۰ ملي متره باران ثبت شوی دی
د هندوستان د هوا پېژندنې ادارې په وینا، باران په جموں، سانبا، کٹھوعه، ادهم پور، راجوري او په نور اړوندو غرنیو سیمو کې شوې دې
هندي رسنۍ وايي چې د ځمکې ښوېدنې ، لینډ سلایډنګ له امله لږ تر لږه ۱۳ کسان مړه شوي دي. دغه مړینې د دوډه په سیمه او د ویشنو دیوي د زیارت پر لارې شوې دي
د بارانونو د شدت له امله د جموں او کشمیر حکومت ټولې تعلیمي ادارې او دولتي دفترونه تړلي، خو د اړتیا وړ خدماتو او د امینیت اړوند خدمتونو پورې اړوند ادارې له دې امره مستثنا ګرځول شوي دي
دلته مهمه ده او باید چې یادونه ی وشي چې د هندوستان د هوا پېژندنې ادارې زیاتوي چې د جموں جنوب لویدیځ، کٹھوعه او ادهم پور په ځینو برخو کې د باران ورولو سیسټم لا هم موجود دی، او ښايي په ځینو سیمو کې بارانونه دوام وکړي
