پولیسو او د سي ټي ډي ځواکونو په ګډ عملیات کې د فتنۀ الخوارج نهه تنه ترهګر جهنم ته رسولي دي خو بل لور ته په دغه پېښه کې دوه عام وګړي هم شهیدان شوي دي.
د خیبر پښتونخوا د اپر دیر د پوليسو د سپرنټنډنټ (ایس پي) په وینا، درې ورځني عملیاتو کې پولیس، ایلیټ فورس او ریپډ ریسپانس فورس برخه واخسته او د ترهګرو په ضد ی سخت ګامونه واخستل. دغه عملیات د اپر دیر په بېلابېلو سیمو کې ترسره شوي چې پکې هیل ټاپ، شندل باغ، اتن دره، باغ کلي، سنګر او دو بانډو دره شامل دي. .
د ایس پي د معلوماتو ترمخه عملیات د شاوخوا شل کیلومتره ساحې کې درې ورځې دوام وکړ. په عملیاتو کې د فتنۀ الخوارج نهه وسله وال وژل شوي، په عین داسې وخت کې دوه بېګناه وګړي هم شهیدان شوي او لس امنیتي سرتېري ټپیان شوي دي . .
په خیبر پښتونخوا او بلوچستان کې په تېرو څو میاشتو کې د ولسي خلکو او امنیتي ځواکونو پر ضد بریدونه زیات شوي، له همدې امله د سولې د ساتلو او د ترهګرۍ د له منځه وړلو لپاره د امنیتي ځواکونو فعالیتونه نور هم چټک شوي دي .
دلته ددې خبرې هم باید یادونه وشی چې د بلوچستان په سرحدي سیمو کې هم د ترهګرو په ضد عملیات ترسره شوی دي او یو شمیر ترهګر ی له منځه وړي دي، دا هم باید یادونه وشی چې په ترهګرو کې ګنړ شمیر افغان ترهګر وو د کومو مړي چې افغانستان ته حواله کړې شوي دي