پېښور: د پی ډي ایم اې راپور لوري د سیلابي څپو او سختو د بارانونو له امله ۴۰۶ کسان مړه او ۲۴۷ ژوبل
د پی ډي ایم اې د راپور له مخې، په خیبرپښتونخوا کې د اګست له ۱۵مې نېټې څخه تر اوسه پورې د طوفاني بارانونو او سېلابونو له امله لږ تر لږه ۴۰۶ کسان مړه شوي او ۲۴۷ نور ټپیان دي
راپور ښيي چې د مړو شویو کسانو کې ۳۰۵ نارینه، ۵۵ ښځې او ۴۶ ماشومان شامل دي، په داسې حال کې چې په ټپیانو کې ۱۷۹ نارینه، ۳۸ ښځې او ۳۰ ماشومان شامل دي
د راپور له مخې، یوازې د تېرو ورځو په ډی آی خان کې د کورونو د چتونو د نړېدو له امله ۸ کسان مړه او ۴۸ نور ژوبل شوي دي.
پی ډي ایم اې وایي چې د وروستیو بارانونو او سختو سېلابونو له امله مالي زیان هم ډېر شوی دی. یوازې د کورونو د زیان اړولو شمېر ۳۵۲۶ کورونو ته رسېدلی، چې له دې جملې څخه ۵۷۷ کورونه په بشپړه توګه نړېدلي دي
په خیبرپښتونخوا کې تر ټولو ډېر زیانمن شوی ولسوالۍ بونیر دی، چې هلته د مړو شویو کسانو شمېر یوازې ۳۳۷ کسانو ته رسېدلی دی
دغه پېښې د بونیر ترڅنګ په نورو ضلعو لکه سوات، مانسهره، باجوړ، شانګله او صوابي کې هم رامنځته شوي دي
پی ډي ایم اې د ټولو ضلعو انتظامیې ته امر کړی چې د مرستو او ریسکیو فعالیتونه چټک کړي او د اغېزمنو شویو خلکو عاجله مرسته وکړي.
د پی ډي ایم اې ویاند وایي چې د دوی ایمرجنسي آپرېشن سنټر په بشپړ ډول فعال دی، او د هر ډول پېښو د راپور ورکولو او معلوماتو لپاره د وړیا هیلپ لاین ۱۷۰۰ سره اړیکه ونیسئ