جاینټ چیف آف سټاف کمیټي مشر جنرال ساحر شمشاد په مشرۍ کښې د پاکستان پلاوي وړمه ورځ په تاشقند کښې د ازبکستان له ولسمشر، د ملي امنیت له سلاکار او د دفاع له وزیر سره مهمې لیدنې وکړې. لیدنې په داسې وخت او مثبت ماحوم کې ترسره شوې چې د دواړو هېوادونو د لوړې کچې مشرتابه د لارښوونو څرګندونه یې کوله. جنرال شمشاد د پاکستان د وزیراعظم شهباز شریف له لوري د ازبک مشرتابه ته سلام ورسوه او دا پیغام یې ورکړ چې دواړه هېوادونه به په بېلابېلو برخو کې په ګډه کار وکړي. د ازبکستان ولسمشر وویل چې د ترهګرۍ ضد مبارزې په برخه کې د استخباراتي ادارو تر منځ همکاري د ازبکستان لپاره ډېر ارزښت لري. هغه د یوه ازبک تبعه د بېرته ستنېدو په تړاو هم له پاکستانه مننه وکړه. سربېره پر دې، ازبکستان د بې پیلوټه الوتکو، برېښنایي جګړې (الکترونیک وارفیئر) او سایبري امنیت په برخو کې د همکارۍ لیوالتیا څرګنده کړه. ولسمشر د دې اړوند د یو روډمېپ جوړولو امر وکړ، چې پکې د پاکستان د خپلو دفاعي وړاندیزونو شاملولو ته هم کتل کېدای شي. د لیدنې پر مهال دواړو هېوادونو د ټرانس افغان ریل پراجېکټ پر وخت بشپړولو ژمنه هم تکرار کړه. د ازبکستان د ملي امنیت سلاکار څرګنده کړه چې دی راتلونکې میاشت په تاشقند کې د پاکستاني مشرتابه سره د لیدنې منتظر دی. نوموړي وویل چې د هغه منصب به د دواړو هېوادونو ترمنځ د امنیتي همکارۍ لپاره نوې لاره هواره کړي.
په ناستو کې پر دې هم سلا وشوه چې په ازبکستان کې د زیاتېدونکې بې ثباتۍ اغېز پر سیمه ییزو هېوادونو کېدای شي، نو ځکه اړینه ده چې د ګډې تګلارې له لارې فشار واچول شي او د دوحې تړون مادو عملي کېدل یقیني شي. پاکستاني پلاوي د بخارا ګورنر سره هم لیدنه وکړه. باید یادونه وشي چې د پاکستان، ازبکستان او افغانستان ترمینځ څو ورځې وړاندې د افغان ټرانس د اورګاړي پټلۍ تړون هم لاسلیک شو. د اورګاړي د اوسپنې دا پټلۍ به د ازبکستان څخه د افغانستان مزار شریف لارې افغانستان څخه راتیره شي او د پاکستان کورمې ضلعې خرلاچي له لارې به پاکستان سره ونښلول شي. اقتصاد پوهان وایی چې دا پرمختګونه به د منځنۍ آسیا هیوادونو، افغانستان او پاکستان یوبل ته رانزدې کړي او د دې ټولو هیوادونو په اقتصاد به مثبت اثر وکړي