د راپورونه ترمخه چې سبا د چهارشنبې (۲۹ اسد) په ورځ به د افغانستان، پاکستان او چین ترمنځ درېجانبه ناسته د کابل په کوربهتوب ترسره شي. په دې مهمه کښې پلان ده چې په سیمه کښې د تل پاتې امن او اقتصادي پرمختګ او سیمهییزو همکاریو په اړه خبرې اترې وشي. دا درېجانبه ناسته لومړی ځل دی چې د افغانستان په کوربهتوب کېږي او د دې اهمیت په دې کښې دی چې د سیمې د ثبات، پرمختګ او یووالي پر راتلونکي تمرکز لري. د پاکستان دي نیشن ورځپاڼې د خپاره شوي راپور له مخې، په دې درېجانبه ناسته کښې به د چین د بهرنیو چارو وزیر وانګ يي، د پاکستان د بهرنیو چارو وزیر اسحاق ډار، او د طالبانو د بهرنیو چارو وزیر امیرخان متقي د خپلو لوړو پلاوو سره ګډون وکړي. تمه کېږي چې په دې یوه ورځنۍ ناسته کښې به پر مهمو موضوعاګانو لکه د سولې پروسه، سیمهییز امنیت، اقتصادي پرمختګ او په افغانستان کښې د ترهګرو ډلو د شتون له ګواښونه په اړه خبرې وشي.
دلته باید یادونه وشی چې په یاده غونډه کښې به د چین پاکستان اقتصادي پروژې، سي پيک د افغانستان په لور د غځولو په مهمه موضوع خبرې وشي، په دې اړه د چین په بیجنګ کښې هم درې جانبه ناسته کښې هم دا موضوع چیړل شوې وه. دا مهمه ده او باید دلته ی یادونه وشي چې د دې پروژې پراختیا کولای شي افغانستان د سیمې له تجارتي او ترانزیټي لارو سره ونښلوي او د دې هېواد د اقتصاد په ښه والي کښې مهم رول ولوبوي. په همدې حال کښې ویل شوي چې د چین د بهرنیو چارو وزیر به د کابل له ناستې وروسته اسلامآباد ته سفر وکړي څو د چین – پاکستان د کلنیو ستراتیژیکو خبرو اترو په ناسته کښې چې پلان شوې، ګډون وکړي. دا دیپلوماتیک خوځښتونه د سیمې د هېوادونو د دې هڅو څرګندونه کوي چې غواړي د وروستیو تحولاتو وروسته د سیمهییزې همکارۍ لپاره یو چوکاټ رامنځته کړي. کارپوهان دې ناستې ته په ښه نظر ګوري او وایی چې داسې غونډې پاکستان ، چین او افغانستان یو بل ته رانزدې کوي او د سولې په ټینګښت او اقتصادي پرمختګ کښې مهم رول لوبولې شي.