پاکستان د زلمي خلیلزاد بیان غیرمسولانه او پاروونکي بللې او ویلې ی دي چې دا بیان د سیمې د امن لپاره زیانمن دې.
پاکستان د زلمي خلیلزاد څرګندونې په کلکه رد کړې دي او هغه یې له حقایقو سره په ټکر ،بې بنیاده او د ګمراهۍ سبب ګرځولي دي.
زلمي خلیلزاد په خپل وروستي بیان کې ادعا کړې چې پاکستان افغان کډوالو ته پناه ورکړې، چې پکې د طالبانو مخالف او د حکومت پر ضد ګڼل کېدونکي کسان شامل دي۔ هغه دغه اقدام “غير مسؤلانه” او “پاروونکی” بللی او ویلي یې دي چې دا د سیمې لپاره زیانمن دی۔
د بهرنیو چارو د دفتر سرچینې وايي چې دغه روایت بشپړ تحریف شوی دی۔ په اصل کې په اسلاماباد کې د پاکستان – افغانستان ډایلاګ ترسره کېږي، چې عنوان یې “د یووالي او اعتماد پر لور” دی۔ دا ډایلاګ د ساسي پوهنتون او د ښځو د افغانستان لپاره د ټولنې په ګډو هڅو ترسره کېږي۔ دا دولتي نه، بلکې تعلیمي او د ټریک ټو ډیپلوماسۍ یوه هڅه ده، چې موخه یې د باور جوړونه او د همکاریو پیاوړتیا ده۔
سرچینې زیاتوي چې زلمي خلیلزاد دغه ناسته سیاسي دسیسه وبلله، خو په اصل کې دا یو علمي او ټولنیز مکالمه ده، چې څېړونکي، د پالیسۍ کارپوهان او د ټولنې استازي پکې برخه اخلي۔
باید دلته ی یادونه وشی چې دغه ډول فورمونه په نړیواله کچه منل شوي دي او د حکومتونو د رسمي خبرو بشپړونه کوي۔
پاکستان روښانه کړې چې دغه ډول څرګندونې د سولې او اعتماد د هڅو د زیان سبب ګرځي او د سیمې د همکارۍ لارې کمزورې کوي۔ پاکستان یو ځل بیا خپله ژمنه تکرار کړه چې د سولې، ثبات او تعمیري مکالمې د ودې لپاره به خپله ونډه ورکوي۔