آئي ايس پي آر لخوا جاري شوي بيان کښې وئيلي شويدي چې د بلوچستان د ژوب ضلعې په سمبازا علاقه کښې د شرخوښو خلاف کلئيرنس آپريشن جاري دے چې پکښې د فتنه هند مرستيال درې نور ترهه ګر هم وژلي شويدي ۔ د وژلي شوي شرخوښو نه وسله او چاودونکي مواد برآمد شويدي ۔ د آئي ايس پي آر بيان ترمخه د څلور ورځو دوران دې علاقه کښې سيکيورټي فورسز ۵۰ ترهه ګر وژلي دي ۔ دې ټولوترهه ګرو د ټولګو په شکل کښې پاکستان حدود ته د داخليدو کوشش کولو چې د هغې ورستو سيکيورټي فورسز د دوي خلاف پراخه عمليات پيل کړيدي،د عملياتو په وړومبې ورځ ۳۳ او په دوئمه ورځ ۱۴ ترهه ګر وژلي شوي وو۔ آئي ايس پي آر په بيان کښې زياته کړي شويده چې سيکيورټي فورسز د ملک د پولو او اولس د تحفظ عزم کړېدے د پاکستان امن او ترقۍ ته زيان رسونکي هر يو کوشش به ناکامه کوؤ ۔
ترهه ګرۍ د حکومت وړومبې ترجيح ده،صدر ۔ وزيراعظم
صدر مملکت آصف علي زرداري او وزيراعظم شهباز شريف بلوچستان کښې د فتنه هند مرستيال ترهه ګرو خلاف د سيکيورټي فورسز د کامياب عملياتو ستائينه کړيده، خپل بيانونو کښې صدر او وزير اعظم وئيلي دي چې د هند پراکسيز نور ترهه ګرو وژنه د سيکيورټي فورسز د پيشه وارانه مهارت او باتورې ثبوت دي، خپل بياناتو کښې حکومتي مشرانو زياته کړيده چې ملک دښمنه عناصر به چرې هم پاکستان کمزورې کولو يا د ملک امن کښې خندان اچولو کښې کامياب نشي،ټول قام د سيکيورټي فورسز په شا ولاړ دے د ملک د پولو او د اولس تحفظ لپاره د سيکيورټي فورسز هلې ځلې او قربانې به نه ضائع کيږي ۔ د ترهه ګرۍ د ناسور د مکمل خاتمے پورې به د سيکيورټي فورسز عمليات جاري وي ۔