د محنت،کړاؤ او د حلال رزق د ګټلو جذبه او کوششونه چرته هم نه ضائع کيږي ۔ د پيرس په روډونو او لارو کوڅو کښې ورځپاڼۍ او مجلې خرڅونکې درې اويا کلن علي اکبر د دې ښکاره مثال دے ۔ علي اکبر پاکستاني وګړې دے او د پيرس په روډونو او چوکونو تير دوه پنځوس کالو راهسې روزانه په نظر راځي هغه مجلې او ورځپاڼې خرڅوي ۔ په دې عمر کښې حلال رزق ګټلو، باقاعدګۍ سره خپلو کسټمرز له ورځپاڼۍ رسولواو د فرانس لپاره سماجي او قامي خدماتو په اعتراف کښې د فرانس صدر ميکرون هغه له د ملک دوئم لوئې سويلين اعزاز “نيشنل آرډر آف ميرټ” ورکولو اعلان کړيدے،د علي اکبر تعلق د پنډۍ سره دے،هغه کال دوه زره دري اويايم کښې فرانس ته تلي وو، د اخبارونه خرڅولو کار ئې شورو کړي وو کوم چې تر نن ورځ پورې جاري دے، د انټرنيټ او سوشل ميډيا په دې دور کښې هم د پيرس اوسيدونکي د علي اکبر نه مجلې او ورځپاڼې اخلي او د هغه د خدماتو نه ښه مطمئين دي ۔ علي اکبر وائي چې اخبارونه خرڅول او لوستل د هغه شوق دے چې تر څو ژوندې يي دا شوق به جاري ساتي ۔ د علي اکبر وينا ترمخه هغه هفته واره مجله چارلي هيبډو خرڅولو نه د خپل کار آغاز کړي وو او دا سلسله ئې اوسه پورې جاري ساتلي ده ۔ علي اکبر په روډونو اوچوکونو کښې د فرانس يواځنې اخبار فروش دے ۔ د فرانس نيشنل آرډر اف ميرټ اعزاز ترلاسه کول که د علي اکبر د خدماتو اعتراف دے نو بلخوا دې اعزاز په نړۍ کښې د پاکستان نوم هم روښانه کړېدے او د پاکستانيانو مثبت کردار ئې نړي ته ښودلې دے۔