د آئي ايس پي آر لخوا جاري شوي يو بيان کښې وئيلي شويدي چې د هندپراکسيز ترهه ګرو د بلوچستان په مستونګ سيمه کښې د سيکيورټي اهلکارو په ګاډي د بارودي سرنګ چاودنه کړې وه چې په نتيجه کښې ميجرمحمد رضوان طاهر،نائيک ابن امين او لانس نائيک محمد يونس شهيد شوي وو۔ د حملې وروستو سيکيورټي فورسز علاقه کښې د شرخوښو خلاف لټوني عمليات کړي چې پکښې د هند مرستيال څلور ترهه ګر وژلي شوېدي ۔ آئي ايس پي آر ترمخه پوځ ملک نه د هند پراکسيز ترهه ګرو د مکمل خاتمے عزم لري ،د باتور سيکيورټي اهلکارو دا قربانۍ ملک کښې د امن قيام لپاره د پاک پوځ عزائم نور هم مضبوطوي ۔ شهيد سيکيورټي اهلکارو کښې د ميجر محمد رضوان تعلق د پنجاب د نارروال علاقې،د نائيک ابن امين تعلق د صوابۍ او د لانس نائيک محمد يونس تعلق د کرک سره دے او درې واړه شهيدان د سرکاري اعزاز سره خپلو خپلو آبائي علاقو کښې خاوره ته سپارلي شويدي ۔
فتنه هند مرستيال ترهه ګر به هر حال کښې ختموؤ، صدر ۔ وزيراعظم
صدر مملکت آصف علي زرداري،وزيراعظم شهبازشريف،داخله وزير محسن نقوي،د ټولو صوبو ګورنرانو او وزرائے اعلي په مستونګ بمي چاودنه کښې د پاک پوځ اهلکارو په شهادت د افسوس اظهار کړې او د شهيدانو لواحقينو سره ئې د غمرازۍ اظهار کړېدے ۔ حکومتي مشرانو د سيکيورټي فورسز د جوابي کارروائۍ په مهال د فتنه هند څلور مرستيال ترهه ګرو په وژلو سيکيورټي اهلکارو ته خراج تحسين هم وړاندې کړېدے ۔ خپل بيانونو کښې صدر آصف علي زرداري او وزيراعظم شهباز شريف وئيلي دي چې د ملک او اولس د تحفظ لپاره د سيکيورټي اهلکارو قربانۍ به چرې هم ضائع نشي، ټول قام خپلو شهيدانو ته سلام کوي ۔ د ترهه ګرۍ د ناسور د خاتمے لپاره پاک پوځ او قام يو موټې دے ، ملک کښې بدامني خورولو لپاره د فتنه هند د مرستيالو هر کوشش او سازش به ناکامه کوؤ ، ډير زر به ملک نه د هند پراکسيز ترهه ګرو خاتمه وکړو۔
