کابل کښې د پاکستان په سفارتخانه کښې د يوم استحصال کشمير په حواله دستوره شوېده چې پکښې د سفارتي او قونصلرو غړو او د نورو ملکونو سفارتخانو اهلکارو شرکت کړي وو۔ دستورې په مهال کشميري وګړو سره د يو والي اظهار لپاره د يو منټ خاموشي خپله کړي شوي وه ۔ دستورې ته د يوم استحصال کشمير په حواله د صدر مملکت آصف علي زرداري، وزيراعظم شهباز شريف او د خارجه وزير اسحاق ډار پيغامات اورلي شوي وو۔ د پاکستان سفير عبيدالرحمان نظاماني دې دستورې ته وينا په مهال وئيلي دي چې مقبوضه کشمير کښې په پنځم اګست د نريندر مودي اقداماتو په کشمير د غاصبانه قبضه کښې د توسيع په حواله د هندواکمنوسامراجي ذهنيت په ډاګه کړېدے خو دا قسمه غيرقانوني هلې ځلې د آزادۍ د تحريک لپاره د کشمريانو مبارزه نشي کمزورے کولے ۔ د پاکستاني سفير وينا وه چې د کشميريانو د بنيادي حق لپاره به پاکستان د دوي سياسي،اخلاقي او سماجي ملاټر جاري ساتي ۔ عبيدالرحمان نظاماني زياته کړه چې هندوستان د پاکستان خلاف مسلسل جارحانه اقدامات او د پراکسيز په ذريعه ترهه ګرۍ ته وده ورکولو د لارې د کشمير په مسئله د پاکستان موقف او عزم ته نقصان نشي رسولے په جنوبي ايشيا د بالادستۍ په حواله د هند ټول عزائم به ناکامه کوؤ ټول پاکستاني قام د خپل باتور پوځ سره اوګه په اوګه ولاړ دے ۔
