د خیبر پښتونخوا په قبایلي سیمو کښې د امن او ثبات راوستلو لپاره د وزیراعلی لوري د جرګو لړۍ دوام لري او وړمه ورځ په وزیراعلی هاوس کښې د باجوړ مشرانوجرګې وزیراعلی علي امین ګنډا پور سره لیدنه وکړه.
د دې لړۍ دویمه جرګه تیره ورځ په وزیراعلی هاوس پېښور کې ترسره شوه، چې پکې د باجوړ او مومندو قبایلي مشرانو، سیاسي استازو او منتخب ولسي نمایندګانو په پراخه کچه ګډون وکړو.
جرګه د سیمې د امن، ثبات او د ترهګرۍ ضد تګلارو پر موضوع راوبللې شوې وه، چې پکې د وزیراعلی مشاور بیرسټر محمد علي سیف، سینېټر نورالحق قادري، چیف سیکرټري شهاب علي شاه، د پولیسو مشر (آی جي)، اړونده کمشنران، ډپټي کمشنران او نور امنیتي چارواکي هم شامل وو.
د جرګې مهم ټکي او سپارښتنې
د باجوړ او مومندو قبایلي مشرانو غوښتنه وکړه چې مونږ امن غواړو، حکومت دې مونږ ته امن راکړي او مونږ د امن لپاره هر ډول همکارۍ ته تیار یو.
ګډونوالو وویل چې د ترهګرۍ پر ضد ټول ولس متحد دی او ترهګر د ټول قام ګډ دښمنان دي.
جرګې څرګنده کړه چې په سیمه کې نوراپریشن او په زور او جبر بې کوره کول د منلو وړ نه دي.
د جرګې مشرانو دا سپارښتنه هم وکړه چې د ترهګرۍ د دوامداره حل لپاره دې د وفاقي او صوبایي حکومتونو، قبایلي مشرانو او نورو اړخونو پر ګډون دې یوه پراحه او بااختیاره جرګه جوړه شي، تر څو له افغان حکومت او ولس سره بامقصد خبرې پیل کړي. .
دا هم ویل شوي چې د علاقایی جرګو موجوده هڅې د ستاینې وړ دي خو دې جرګو ته باید زیات هدفمند شکل ورکړل شي، څو دا عمل د نورو سیمو لپاره هم د امن او ثبات مثال وګرځي.
دلته ددې خبرې باید یادونه وشي چې دغه جرګه په داسې مهال ترسره شوې، چې د خیبر پښتونخوا په قبایلي سیمو کې د امنیتي وضعې پر سر اندېښنې زیاتې شوې دي او ولس د اوږدمهاله حل او په سیمه کښې د امن غوښتنه کوي.
بل اړخ ته د ضلع خیبر څخه هم داسې خبر راغلې دې نن د کالعدم تنظیم ټي ټي پي سره د برقبمرخیل مشرانو جرګه هم کامیابه شوې ده او د امن لپاره د مشرانو هڅې او طالبانو سره خبرې بریالۍ شوي دي